இங்கிலாந்து அணி டெஸ்ட் கிரிக்கெட் விளையாடும் அதிரடி முறையில் தற்போது சில மாற்றங்களை ஏற்படுத்தி சிறப்பான நிலைக்கு வந்திருக்கிறது. இந்த நிலையில் மைக்கேல் வாகன் தட்டையான ஆடுகளங்களில் பென் ஸ்டோக்சை விட இன்னொரு வீரரை இங்கிலாந்து அணியின் முக்கிய வீரர் என்று குறிப்பிட்டிருக்கிறார்.
தற்போது இங்கிலாந்து அணி சொந்த மண்ணில் இலங்கை அணிக்கு எதிராக மூன்று போட்டிகள் கொண்ட டெஸ்ட் தொடரில் விளையாடுகிறது. இந்தத் தொடரில் தொடக்க ஆட்டக்காரர் ஜாக் கிரவுலி மற்றும் கேப்டன் ஸ்டோக்ஸ் இருவரும் காயத்தால் இடம் பெறவில்லை. மேலும் முதல் டெஸ்டில் காயம் அடைந்து அதிவேக பந்துவீச்சாளர் மார்க் வுட் தொடரை விட்டு வெளியேறி இருக்கிறார்.
பென் ஸ்டோக்சை விட முக்கியமானவர்
தற்போது இது குறித்து பேசி இருக்கும் மைக்கேல் வாகன் கூறும் பொழுது ” நீங்கள் பேட்டிங் செய்ய சாதகமான தட்டையான ஆடுகளத்தில் விளையாடும் பொழுது, இங்கிலாந்து அணிக்கு கேப்டன் பென் ஸ்டோக்சை விட மிக முக்கியமானவர் மார்க் வுட்தான். ஆனால் அவர் தற்போது காயம் காரணமாக இலங்கை அணிக்கு எதிரான டெஸ்ட் தொடரிலிருந்து வெளியேறியிருக்கிறார்.
முதல் டெஸ்ட் போட்டியில் பேட்டிங் செய்வதற்கு ஆடுகளம் சாதகமாக இருந்த நிலையில், இலங்கை அணியின் தினேஷ் சண்டிமல் மற்றும் கமிந்து மெண்டிஸ் இருவரும் சிறப்பாக விளையாடிக் கொண்டிருந்த பொழுது, காயத்தால் மார்க் வுட் வெளியேறியிருந்தது எவ்வளவு பின்னடைவாக இருந்தது என்பதை காண முடிந்தது. பாகிஸ்தானிலும் நியூசிலாந்திலும் இப்படியான ஆடுகளத்தில் 20 விக்கெட்டுகளை எடுக்க என்ன செய்வது என வழிமுறையை கண்டுபிடிக்க வேண்டும்.
இந்தியா ஆஸ்திரேலியா விரும்பாத வீரர்
மார்க் வுட் கொண்டு வரும் பாயிண்ட் அணிக்கு மிகவும் முக்கியமானது. அடுத்த ஆண்டு இங்கிலாந்து அணி விளையாடும் டெஸ்டுகளில் 60 முதல் 70 மார்க் வுட் கிடைப்பதற்கு அவரை இங்கிலாந்து கிரிக்கெட் நிர்வாகம் பாதுகாப்பு செய்து வைக்க வேண்டும். இப்படிப்பட்ட ஒரு வீரர் இவ்வளவுதான் ஒரு அணிக்கு கிடைப்பார். அவரால் எல்லா டெஸ்ட் போட்டியும் விளையாட முடியாது.
இங்கிலாந்து அணியின் டெஸ்ட் அட்டவணையில் இந்தியாவை உள்நாட்டில் வீழ்த்துவதற்கும், ஆஸ்திரேலியா சென்று அவர்களை வீழ்த்துவதற்கும் மார்க் வுட் மிகவும் முக்கியமான ஒரு கருவியாக இருப்பார்.இங்கிலாந்து அணியில் அவர் இல்லாமல் போனால், அதை இங்கிலாந்து மற்றும் ஆஸ்திரேலியா அணிகள் மிகவும் விரும்பும்.
இதையும் படிங்க : இந்திய அணி பண்ண வேலை.. பாகிஸ்தான் அணி அந்த வீக்னஸ் பத்தி எல்லாருக்கும் தெரியும் – ரமீஸ் ராஜா விமர்சனம்
அற்புதமான சோப்ரா ஆர்ச்சர் கூட 95 மைல் வேகத்தில் தொடர்ந்து வீசியது கிடையாது. ஆனால் மார்க் வுட் அதை தொடர்ந்து செய்கிறார்.அவரது வெறித்தனமான வேகம் கொண்டு வீசக்கூடிய பந்துவீச்சாளர்கள் உலகத்தில் இல்லை.இங்கிலாந்து கிரிக்கெட்டில் நாம் பார்த்திராத ஒரு பையனாக அவர் இருக்கிறார். அவர் எதிரணியின் ட்ரெஸ்ஸிங் ரூமில் ஒரு நடுக்கத்தை உண்டாக்குகிறார்” என்று கூறியிருக்கிறார்.
