ஐபிஎல் 2026 ஏலத்திற்குப் பிறகு பிளே ஆஃப்க்கு எந்த நான்கு அணிகள் தகுதி பெறும் என்பதை முன்னாள் கிரிக்கெட் வீரர் அமித் மிஸ்ரா தேர்ந்தெடுத்தார். ஏலம் கடந்த செவ்வாய்க்கிழமை அபுதாபியில் நடைபெற்றது. மொத்தம் ₹215.45 கோடி செலவிடப்பட்டது. 77 வீரர்கள் தேர்வு செய்யப்பட்டனர்.இதில் 29 வெளிநாட்டு வீரர்கள் அடங்குவார்கள்.
இந்த நிலையில் யூடியூப் சேனலுக்கு பேட்டி அளித்த அமித் மிஸ்ரா, கொல்கத்தா நைட் ரைடர்ஸ், மும்பை இந்தியன்ஸ், சன்ரைசர்ஸ் ஹைதராபாத் மற்றும் தற்போதைய சாம்பியன்கள் ராயல் சேலஞ்சர்ஸ் பெங்களூரு ஆகியவற்றைத் தேர்ந்தெடுத்தார். அவர் குஜராத் டைட்டன்ஸ் ஐயும் பட்டியலில் சேர்த்து, இந்த ஐந்து அணிகளில் நான்கு IPL 2026 பிளேஆஃப்ஸுக்கு தகுதி பெறும் என்று கூறினார்.
ஐந்து முறை சாம்பியன்களான சென்னை சூப்பர் கிங்ஸ் அணியை அவர் விட்டுவிட்டார். இது குறித்து பேசிய அவர், இந்த ஐந்தில் நான்கு பிளேஆஃப்ஸுக்கு செல்லும் என்று நினைக்கிறேன். MI மற்றும் RCB ஏலத்திற்கு முன்பே வலுவான அணிகளாக இருந்தன. KKR மற்றும் SRH முக்கிய வீரர்களை வாங்கி தங்கள் அணிகளுக்கு வலிமை சேர்த்தன.
கொல்கத்தா ஆஸ்திரேலிய ஆல்ரவுண்டர் கேமரூன் கிரீனை ₹25.2 கோடிக்கு வாங்கியது. அவர்கள் மத்தீஷா பதிரனா, முஸ்தஃபிசுர் ரஹ்மான், ரசின் ரவீந்திரா, பின் ஆலன், டிம் சீஃபர்ட் ஆகியோருடன் இந்திய இளம் வீரர்களான ஆகாஷ் தீப் மற்றும் ராகுல் திரிபாதி ஆகியோரையும் சேர்த்தனர்.
SRH இங்கிலாந்து ஆல்-ரவுண்டர் லியாம் லிவிங்ஸ்டோனை ₹13 கோடிக்கு வாங்கியது. அபிஷேக் ஷர்மா, டிராவிஸ் ஹெட், இஷான் கிஷன், ஹென்ரிக் க்ளாசென் போன்ற வலுவான பேட்டிங் வரிசைக்கு கூடுதல் வலிமை சேர்த்தது.
தொடர்ந்து பேசிய அமித் மிஸ்ரா, “RCB தொடக்கத்திலிருந்து விராட்டை ஆதரித்தது. அவரை ஒருபோதும் விட்டுவிடவில்லை.அதனால் உணர்வுகள் இருக்கின்றன. தோனி CSK உடன், ரோஹித் MI உடன், உணர்வுகள் இருக்கின்றன. ரோஹித் மும்பையுடன் நீண்டகாலம் இருந்து பல கோப்பைகளை வென்றுள்ளார். கேப்டனாக இல்லாவிட்டாலும் அது அவரது சொந்த வீடு என்று ஆகிவிட்டது. விராட்டுடனும் அப்படித்தான். தொடக்கத்திலிருந்து இருந்தார், கேப்டனாகவும் இருந்து எல்லாவற்றையும் செய்தார் எப்போதும் ஈடுபட்டிருந்தார்.
இதையும் படிங்க: டி20 உலக கோப்பையை சூரியகுமார் ஜெயிச்சா என்ன பண்ணுவீங்க?.. அவருக்கு வெறும் 5 ஓவரே போதும் – மதன் லால் பேட்டி
அதனால் அது குடும்பம் போல் ஆகிவிடுகிறது. அப்படி நடக்கும்போது RCB வென்றபோது அந்த உணர்வுகள் வெளிப்படுகின்றன. அது நல்லதுதான். அணி உங்களை அதிகம் ஆதரித்திருந்தால், அவர்களுக்காக வென்று அந்த உணர்வுகளை காட்டுவது மிகவும் நல்ல விஷயம்,” என்று அவர் கூறினார்.