இந்தியா மற்றும் ஆப்கானிஸ்தான் அணிகளுக்கு இடையே நடைபெற்ற இரண்டாவது டி20 போட்டியில் இந்திய அணி 7 விக்கெட்டுகள் வித்தியாசத்தில் அபார வெற்றி பெற்றது.
முதலில் பேட்டிங் செய்த ஆப்கானிஸ்தான் அணியில் இப்ராஹிம் ஜத்ரான் 26 பந்துகளில் 37 ரன்களும் மற்றும் ரஷித் கான் 16 பந்துகளில் 28 ரன்களும் எடுத்தனர். இந்திய பவுலர்களில் நிதிஷ் குமார் ரெட்டி 24 ரன்கள் விட்டுக்கொடுத்து 3 விக்கெட்டுகளையும் மற்றும் அர்ஷ்தீப் சிங் 35 ரன்கள் விட்டுக்கொடுத்து 2 விக்கெட்டுகளையும் வீழ்த்தினர்.
இரண்டாவதாக சேஸிங் செய்த இந்திய அணியில் சஞ்சு சாம்சன் 22 பந்துகளில் 57 ரன்களும் மற்றும் அபிஷேக் சர்மா 19 பந்துகளில் 39 ரன்களும் எடுத்தனர். எதிரணியான ஆப்கானிஸ்தான் சார்பில் ரஷித் கான் 2 விக்கெட்டுகளைக் கைப்பற்றினார்.
போட்டி முடிந்த பிறகு இந்த வெற்றி குறித்து இந்திய கேப்டன் பேசும்போது “எங்கள் அணியின் பேட்டர்கள் ஃப்ரண்ட் புட் சென்று ஆக்ரமிப்பான ஆட்டத்தை வெளிப்படுத்தியது மிகவும் மகிழ்ச்சி அளிக்கிறது. பவர் பிளே ஓவர்களை சஞ்சு சாம்சன் மற்றும் அபிஷேக் சர்மா சிறப்பாகப் பயன்படுத்தி போட்டியை எங்கள் பக்கம் திருப்பினர்” என்று கூறி இருக்கிறார்.
மேலும் அவர் பேசும்போது “எங்கள் பவுலர்களும் மிடில் ஓவர்களில் விக்கெட்டுகளைக் கைப்பற்றி எதிரணியின் ரன் வேகத்தைக் கட்டுப்படுத்தினர். இந்த பாசிட்டிவ் அப்ரோச் வரவிருக்கும் தொடர்களிலும் எங்களுக்கு மிகப்பெரிய கான்ஃபிடன்ஸ் கொடுக்கும்” என்று கூறி இருக்கிறார்.
