இங்கிலாந்துக்கு எதிரான டெஸ்ட் சீரிஸில் பாகிஸ்தான் கிரிக்கெட் டீம் மிக மோசமாக பெர்ஃபார்ம் செய்து தோல்வியை தழுவியதை தொடர்ந்து, அந்த அணியின் பிளேயர்களுக்கு போதுமான தைரியமும் போராடும் குணமும் இல்லை என்று தென் ஆப்பிரிக்க முன்னாள் கேப்டன் ஏபி டி வில்லியர்ஸ் கடுமையாக விமர்சித்துள்ளார்.
இங்கிலாந்து தொடரில் பாகிஸ்தான் பேட்டர்கள் தொடர்ந்து சொற்ப ரன்களில் விக்கெட்டை பறிகொடுத்து சொதப்பினர். பிசிபி மேனேஜ்மென்டில் தொடர்ச்சியாக மாற்றங்கள் செய்யப்பட்டு வந்தாலும், மைதானத்தில் விளையாடும் மூத்த பிளேயர்கள் தங்களின் பொறுப்பை உணர்ந்து சரியான பெர்ஃபார்மன்ஸ் கொடுக்க தவறிவிட்டனர் என்று கிரிக்கெட் வல்லுநர்கள் சுட்டிக்காட்டுகின்றனர்.
பாகிஸ்தான் கிரிக்கெட்டின் இந்த இக்கட்டான சூழ்நிலைக்கு நிர்வாகத்தின் தவறான முடிவுகளும், பிளேயர்களின் அலட்சியமான ஆட்டமும் தான் முக்கிய காரணம் என்று தனது யூடியூப் சேனலில் ஏபி டி வில்லியர்ஸ் வெளிப்படையாக பேசியுள்ளார்.
இதுகுறித்து ஏபி டி வில்லியர்ஸ் பேசும்போது “பாகிஸ்தான் பிளேயர்களிடம் கடினமாக உழைக்கும் எண்ணம் இல்லை. குறிப்பாக பேட்டிங் யூனிட்டில் தேவையான அளவு தைரியமும் ஃபைட்டிங் ஸ்பிரிட்டும் காணப்படவில்லை. பல சாஃப்ட் விக்கெட்டுகள் விழுந்தன, டெஸ்ட் கிரிக்கெட் என்பது உங்கள் கேரக்டருக்கான டெஸ்ட் ஆகும். அதைத் தான் தற்போது பாகிஸ்தான் டீம் மிஸ் செய்கிறது. அனுபவம் வாய்ந்த பிளேயர்கள் லீடர்களாக செயல்பட்டு யங் பிளேயர்களுக்கு முன்மாதிரியாக இருக்க வேண்டும்” என்று கூறி இருக்கிறார்.
மேலும் அவர் தொடர்ந்து பேசும்போது “அதேபோல் போர்டு நிர்வாகத்திலும் சில மிஸ்மேனேஜ்மென்ட் நடந்துள்ளது. தொடர்ச்சியாக கேப்டன்சி மற்றும் கோச்சிங் ஸ்டாஃப் மாற்றப்பட்டு வருகின்றனர். பாபர் அசாம் மீண்டும் கேப்டனாக வந்துள்ள நிலையில், அவர் தொடர்ந்து ரன்கள் குவித்து அணியை வழிநடத்துவார் என்று நம்புகிறேன். பாகிஸ்தான் அணி மீண்டும் தங்களின் பழைய ஃபார்முக்கு திரும்ப வாழ்த்துகள்” என்று கூறி முடித்துள்ளார்.
