வரவிருக்கும் வெஸ்ட் இண்டீஸ் ஒருநாள் தொடருக்கான இந்திய அணியில் ரிஷப் பண்ட் சேர்க்கப்படாதது குறித்து, இந்திய தேர்வுக்குழுவினர் அவரது வெள்ளைப்பந்து கிரிக்கெட் எதிர்காலம் தொடர்பாக ஒரு முடிவுக்கு வந்துவிட்டதாக முன்னாள் வீரர் ஆகாஷ் சோப்ரா தெரிவித்துள்ளார்.
வெஸ்ட் இண்டீஸ் தொடருக்கான இந்திய ஒருநாள் அணியில் இடம்பெறாத ரிஷப் பண்ட், அதேநேரத்தில் இரானி கோப்பைக்கான ரெஸ்ட் ஆஃப் இந்தியா அணியின் கேப்டனாக நியமிக்கப்பட்டுள்ளார்.
சிவப்புப்பந்து கிரிக்கெட்டான டெஸ்ட் போட்டிகளில் ரிஷப் பண்ட் இன்னமும் முக்கிய வீரராகக் கருதப்பட்டாலும், வெள்ளைப்பந்து கிரிக்கெட்டில் அவர் தொடர்ந்து புறக்கணிக்கப்பட்டு வருகிறார்.
இதுகுறித்து ஆகாஷ் சோப்ரா பேசும்போது “ரிஷப் பண்ட் இரானி கோப்பையில் ரெஸ்ட் ஆஃப் இந்தியா அணியின் கேப்டனாக நியமிக்கப்பட்டுள்ளார். அதேநேரத்தில் வெஸ்ட் இண்டீஸ் ஒருநாள் தொடரில் அவர் இடம்பெறவில்லை. இதன்மூலம் தேர்வுக்குழுவினர் வெள்ளைப்பந்து கிரிக்கெட்டில் அவருடைய எதிர்காலம் குறித்து தெளிவான ஒரு முடிவுக்கு வந்துவிட்டார்கள் என்பது தெளிவாகிறது. டெஸ்ட் கிரிக்கெட்டில் அவருக்கு ஒரு பொறுப்பும், ஒருநாள் போட்டிகளில் வேறு ஒரு நிலைப்பாடும் எடுக்கப்பட்டிருப்பது இந்திய அணி அவரை எவ்வாறு பார்க்கிறது என்பதை காட்டுகிறது” என்று கூறி இருக்கிறார்.