விடுமுறை நாளான இன்று ஐபிஎல் தொடரில் இரண்டு போட்டிகள் நடைபெறும் நாள் ஆகும். இரண்டாவது போட்டியில் ஐபிஎல் தொடரின் வெற்றிகரமான இரு அணிகளான சென்னை மற்றும் மும்பை இரு அணிகளும் மும்பை வான்கடே மைதானத்தில் மோத இருக்கின்றன.
ஒட்டுமொத்த ஐபிஎல் தொடரில் இந்த இரு அணிகளுக்கும் இடையே நடக்க இருக்கின்ற போட்டி 1000வது போட்டியாகும். இந்த இரு அணிகளும் மோதினாலே அது ஐபிஎல் தொடரில் சிறப்பான போட்டிதான். இதில் இப்படி ஒன்று இருப்பதால் இன்னும் எதிர்பார்ப்பு ரசிகர்களிடையே அதிகமாக இருக்கிறது.
முக்கியமான இந்த போட்டியில் மும்பை அணிக்காக விளையாடி வரும் அதிவேக ஆபத்தான வேகப்பந்துவீச்சாளர் ஆர்ச்சர் விளையாடுவது கடினம் என்று ஒரு பக்கம் செய்தி கசிகிறது. இன்னொரு பக்கத்தில் சென்னை அணிக்காக விளையாடும் இங்கிலாந்தின் வேகப்பந்து வீச்சு ஆல்ரவுண்டர் பென் ஸ்டோக் விளையாடுவதும் சந்தேகம் என்று கூறப்படுகிறது. ஆனால் இதில் உண்மை இன்னும் தெரியவில்லை.
சென்னை சூப்பர் கிங்ஸ் அணியில் கடந்த மூன்று வருடங்களாக இடம் பெற்று விளையாடி வரும் இங்கிலாந்தில் சுழற் பந்துவீச்சு ஆல்ரவுண்ட்டர் மொயின் அலி சென்னை அணியில் பென்ஸ் ஸ்டோக்ஸ் குறித்து தனது கருத்தை தெரிவித்து இருக்கிறார்.
இது குறித்து மொயின் அலி பேசும் பொழுது ” ஸ்டோக்ஸ் தனது விளையாட்டை ரசித்து விளையாடுகிறார். சென்னை சூப்பர் கிங்ஸ் அணி என்பது ரசித்து விளையாடுவதற்கும், மேலும் இந்த அணிக்காக விளையாடுவதற்கும் வீரர்கள் விரும்புகின்ற ஒரு அணியாகும். பென் ஸ்டோக்ஸ் இந்த அணியில் நன்றாக செட்டில் ஆகிவிட்டார். அவர் தனது அனுபவத்துடன் இந்த அணியில் ஒரு மிகப்பெரிய பங்காக இருக்கிறார். அணியில் நமக்கு கேப்டன் மற்றும் பயிற்சியாளர்கள் இருக்கிறார்கள். அவர்கள் தொடர்ந்து பேசுகிறார்கள்!” என்று கூறியிருக்கிறார்!
மேலும் தொடர்ந்து பேசிய அவர்
” தோனிக்கு பென் ஸ்டோக்ஸ் ஆலோசனை தேவை என்றால் தாராளமாக கேட்கலாம் அதற்கான இடம் இங்கு இருக்கிறது. இதற்கான ஒரு வாய்ப்பு இருப்பதாகத்தான் நான் நினைக்கிறேன், ஏனென்றால் டெஸ்ட் கிரிக்கெட்டில் பென் ஸ்டோக்ஸ் கேப்டனாக சமீபத்தில் மிகச் சிறப்பாக இருந்திருக்கிறார். ஆனால் தோனி வெளிப்படையாக இன்னும் பொறுப்பில் இருக்கிறார். அவர் சிறிது காலத்திற்கு கேப்டனாக தொடர போகிறார்!” என்று கூறியுள்ளார்!
