இந்தியாவில் சுற்றுப்பயணம் செய்து விளையாடிய ஆஸ்திரேலியா அணி , ஆரம்பத்தில் டெஸ்ட் தொடரை இழந்தாலும் , கேப்டன் ஸ்மித் தலைமையில் களமிறங்கி ஒருநாள் தொடரை வென்று சாதித்தது .
மும்பையில் நடைபெற்ற முதல் போட்டியில் இந்தியாவும் , விசாகபட்டினத்தில் நடைபெற்ற இரண்டாவது போட்டியில் ஆஸ்திரேலியாவும் வென்றிருந்தன. இதனை தொடர்ந்து , தொடர் யாருக்கு என்று நிர்ணயிக்கும் , மூன்றாவது போட்டி நேற்று சென்னையில் நடைபெற்றது . இதில் கேப்டன் ஸ்மித்தின் வலுவான திட்டங்களால் , ஆஸ்திரேலிய அணி வென்று கோப்பையை கைப்பற்றியது .
இந்த போட்டி முடிந்த பின் தோல்வி குறித்து பேசிய இந்திய அணி தலைவர் ரோகித் சர்மா , அக்ஷர் பட்டேலை ஏன் சூர்யகுமார் யாதவ்க்கு முன் அனுப்பினோம் என்ற கேள்விக்கும் பதிலளித்தார் .
ரோகித் சர்மா கூறுகையில்
“கே.எல் ராகுல் மற்றும் விராட் கோலி பேட்டிங் செய்யும் போது, அவர்கள் சுழற்பந்து வீச்சாளர்களை ரொட்டேட் செய்து கொண்டிருந்தார்கள் . சூர்யகுமார் யாதவ் உண்மையில் 5 ஆம் இடத்தில் உள்ளே செல்ல திட்டமிடப்பட்டிருந்தது. ஆனால் சில பந்துகள் திரும்பும் என்று நாங்கள் நினைத்தோம். இந்த வலையில் எங்கள் வலது கை ஆட்டக்காரர்கள் சிக்கிக் கொள்வதை நாங்கள் விரும்பவில்லை, அதனால்தான் நாங்கள் இடது கை வீரரான அக்சர் ஐ அனுப்ப விரும்பினோம்” என்று கூறினார் .
மேலும் அவர் பேசுகையில் “அக்சர், நல்ல ஃபார்மில் இருப்பதால், நாங்கள் அவரை முன்னதாக உள்ளே அனுப்பி சில ஓவர்கள் பேட் செய்து ஸ்பின்னர்களை அட்டாக் செய்யலாம் என்று நினைத்தோம் . அதனால்தான் நாங்கள் அவரை முன்னதாக அனுப்பினோம் . ஹர்திக், சிறந்த வீரர் என்பதால் அவரை 6ஆம் இடத்தில் வைத்துக் கொண்டு, சூர்யகுமார் யாதவ்க்கும் , ஜடேஜாவுக்கும் இடையே யாரை களமிறக்க வேண்டும் என்று நாங்கள் நினைத்திருந்தோம் ” என்று கூறினர் .
ரோகித் சர்மா , மேலும் இந்த திட்டம் குறித்து பேசுகையில் ” ஆக்சரை 5ஆம் இடத்தில் அனுப்பும் தந்திரம் பலனளிக்கவில்லை. வந்த வேகத்தில் அக்சர் ( 2 )ரன்னில் ரன் அவுட் ஆனார். விராட் கோலி (54), ராகுல் (32) மூன்றாவது விக்கெட்டுக்கு 69 ரன்கள் சேர்த்து 270 என்ற இலக்கை இந்தியாவுக்கு எடுத்துச் சென்றனர். ஆனால் இரண்டு சந்தர்ப்பங்களிலும் விரைவான விக்கெட்டுகள் இந்தியாவின் நம்பிக்கையை செலுத்தியது ” என்று கூறினார் .
மேலும் ஆடுகளத்தின் தன்மை பற்றி
பேசும்போது ” ராகுல் மற்றும் விராட் கோலி ஒரு பெரிய பார்ட்னர்ஷிப்பிற்க்கு முயன்றனர். ஆடுகளம் சுழற்பந்துக்கு சில வகையான உதவிகளைப் பார்க்கும்போது, ஒவ்வொரு பந்திலும் உங்களால் ஷாட்களை ஆட முடியாது என்பதை நீங்கள் புரிந்து கொள்ள வேண்டும், நீங்கள் இந்த நிலைமைகளையும் மதிக்க வேண்டும் ”என்று கூறினார் .
