வரவிருக்கும் பார்டர்-கவாஸ்கர் டிராபி டெஸ்ட் தொடருக்கு முன்னதாக இந்திய பேட்டர்களின் சுழற்பந்துவீச்சு திறனை சோதிக்க சுழலுக்கு சாதகமான பிட்சுகளை தயாரிக்குமாறு இந்திய அணியின் கேப்டன் சுப்மன் கில் கேட்டுக்கொண்டுள்ளார்.
உலக டெஸ்ட் சாம்பியன்ஷிப் இறுதிப்போட்டிக்கு தகுதிபெறும் வாய்ப்பை தக்கவைத்துக் கொள்ள இந்திய அணிக்கு அடுத்து வரவிருக்கும் டெஸ்ட் தொடர்கள் மிகவும் முக்கியமானவை ஆகும். சொந்த மண்ணில் நடைபெறவுள்ள இந்த தொடரில் ஆஸ்திரேலியா அணியை எதிர்கொள்வதற்கு முன்பாக இந்திய பேட்டர்கள் தங்களை தயார்படுத்திக்கொள்ள திட்டமிட்டு வருகிறார்கள்.
கடந்த இரண்டு ஆண்டுகளில் சொந்த நாட்டில் சுழற்பந்துவீச்சை எதிர்கொள்வதில் இந்திய பேட்டர்கள் சில சிரமங்களை சந்தித்தனர். எனவே ஆஸ்திரேலியா ‘ஏ’ அணிக்கு எதிரான போட்டிகளில் சுழலுக்கு சாதகமான பிட்சுகளை வழங்குவது இந்திய வீரர்களுக்கு பார்டர்-கவாஸ்கர் டிராபிக்கு முன்னதாக சிறந்த பிராக்டிஸ் தருவதாக அமையும் என எதிர்பார்க்கப்படுகிறது.
இதுகுறித்து பிசிசிஐ அதிகாரி ஒருவர் பேசும்போது “கடந்த இரண்டு வருடங்களாக சொந்த மண்ணில் சுழற்பந்துவீச்சிற்கு எதிராக இந்திய பேட்டர்கள் சிறப்பான ஆட்டத்தை வெளிப்படுத்தவில்லை. அதனால் ஆஸ்திரேலியா ‘ஏ’ அணிக்கு எதிரான போட்டிகளில் சில பிட்சுகள் டர்னிங் பிட்சுகளாக அமைந்தால் அது பார்டர்-கவாஸ்கர் டிராபிக்கு பிசிசிஐ பேட்டர்களுக்கு மிகவும் ஹெல்ப்ஃபுல்லாக இருக்கும் என்று சுப்மன் கில் சஜெஸ்ட் செய்துள்ளார்” என்று கூறி இருக்கிறார்.
தொடர்ந்து அந்த அதிகாரி பேசும்போது “ஆனால் இதில் ஒரு முக்கிய பிராப்ளம் என்னவென்றால், இரானி கப் தொடருக்கான ரெஸ்ட் ஆஃப் இந்தியா அணியை தேர்வு செய்ய வேண்டிய கட்டாயமும் உள்ளது. இதனால் ஆஸ்திரேலியா ‘ஏ’ போட்டிக்கு அனைத்து முதன்மை டெஸ்ட் பிளேயர்களையும் அனுப்புவது தேர்வாளர்களுக்கு சற்று டிஃபிகல்ட்டாக இருக்கலாம்” என்று கூறி இருக்கிறார்.
