ஆசியன் கேம்ஸ் தொடரின் இரண்டாவது அரையிறுதி மேட்ச்சில் பங்களாதேஷ் வுமன்ஸ் டீமை 114 ரன்கள் வித்தியாசத்தில் வீழ்த்தி இந்திய வுமன்ஸ் டீம் ஃபைனலுக்கு முன்னேறியுள்ளது.
இந்த மேட்ச்சில் முதலில் பேட்டிங் செய்த இந்திய டீம் 20 ஓவர்களில் 4 விக்கெட் இழப்பிற்கு 195 ரன்கள் குவித்தது. 196 ரன்கள் எடுத்தால் வெற்றி என்ற இலக்குடன் களம் இறங்கிய பங்களாதேஷ் வுமன்ஸ் டீம், 15.4 ஓவர்களில் 81 ரன்களுக்கு ஆல் அவுட் ஆனது.
இந்திய டீமில் ஓப்பனராக களமிறங்கிய செபாலி வர்மா 49 பந்துகளில் 9 சிக்ஸர்கள் மற்றும் 3 ஃபோர்களுடன் 100 ரன்கள் அடித்து வரலாற்று சதம் விளாசினார். ஆசியன் கேம்ஸ் கிரிக்கெட் வரலாற்றில் சதம் அடித்த முதல் பெண் வீரர் என்ற மகத்தான சாதனையை அவர் படைத்துள்ளார். மேலும் ஹர்மன்பிரீத் கவுர் 33 பந்துகளில் 40 ரன்கள் எடுத்தார்.
பங்களாதேஷ் டீமில் அதிகபட்சமாக திலாரா அக்டர் 23 பந்துகளில் 27 ரன்களும், ஷர்மின் அக்டர் 10 ரன்களும் எடுத்தனர்.
பௌலிங்கில் இந்திய டீமின் தீப்தி சர்மா 7 ரன்கள் விட்டுக்கொடுத்து 3 விக்கெட்டுகளையும், நந்தனி சர்மா 25 ரன்கள் விட்டுக்கொடுத்து 3 விக்கெட்டுகளையும் கைப்பற்றி அசத்தினர். பங்களாதேஷ் டீம் பௌலிங்கில் சஞ்சிதா அக்டர் மேக்லா 25 ரன்கள் விட்டுக்கொடுத்து 1 விக்கெட் வீழ்த்தினார்.