2025 ஆசிய கோப்பையில் சாம்சன் எந்த இடத்தில் கூட பேட்டிங் செய்யும் தொழில்நுட்பத் திறனைக் கொண்டிருக்கிறார் என்று அவரது ஆலோசகரும் பயிற்சியாளருமான ரைஃபி கோம்ஸ் தெரிவித்தார்.சாம்சன் இந்தியாவின் 15 பேர் கொண்ட அணியில் இடம்பெற்றிருந்தாலும், 20 ஓவர் தொடரில் தொடக்க ஆட்டக்காரராக விளையாடுகிறார்.
தற்போது ஷுப்மன் கில் மற்றும் அபிஷேக் ஷர்மா ஆகியோர் தொடக்க ஜோடியாக ஆசிய கோப்பையில் களமிறங்க வாய்ப்புள்ளது. இதனால் சாம்சனுக்கு அணியில் இடம் கிடைக்குமா என்ற விவாதம் எழுந்துள்ள நிலையில் தான்,சாம்சன் கீழ் வரிசையில் பேட்டிங் செய்யும் திறனையும் கொண்டிருக்கிறார் என்று கோம்ஸ் கூறினார்.
எங்கு வேண்டுமானாலும் விளையாடுவார்:
“ஒரு தொழில்முறை மற்றும் சர்வதேச அளவில் நிலைநிறுத்தப்பட்ட வீரராக, சாம்சன் கீழ் வரிசையில் பேட்டிங் செய்ய வேண்டியிருந்தால் தேவையான மாற்றங்களைச் செய்யும் அளவுக்கு நெகிழ்வுத்தன்மை கொண்டவர். அவரது நெகிழ்வுத்தன்மை தான் அவரை வழிநடத்துகிறது. மேலும் அவர் தனது திறமைகளில் மிகவும் நம்பிக்கை கொண்டவர்.”
கேரள கிரிக்கெட் லீக் (கே.சி.எல்) தொடரில் சாம்சனின் பேட்டிங் செயல்திறனையும் அவர் பாராட்டினார். சாம்சன் கே.சி.எல்-ல் கொச்சி ப்ளூ டைகர்ஸ் அணிக்காக விளையாடி வருகிறார். அணியின் முதல் போட்டியில் அவருக்கு பேட்டிங் செய்ய வேண்டிய அவசியம் ஏற்படவில்லை. மற்ற மூன்று போட்டிகளில் (அவரது ஸ்கோர்கள் 3 பந்துகளில் 6, 46 பந்துகளில் 89 மற்றும் 51 பந்துகளில் 121 ஆகும்.
“சாம்சன் அழுத்தத்தில் இருப்பதாக எதையும் கூறினாரா? இல்லை. எனவே, இவை எல்லாம் வெளியில் இருந்து வரும் சத்தங்கள் மட்டுமே, வெளியில் என்ன பேசப்படுகிறது என்பதைப் பற்றி நாங்கள் கவலைப்படவில்லை.”
எங்கள் கவனம் சாம்சனின் பேட்டிங் திறனை மேம்படுத்துவதில் உள்ளது. இந்தியாவுக்காக அவர் செய்ய வேண்டிய பணியில் மட்டுமே அவர் கவனம் செலுத்துகிறார்.”
சரிவு ஆட்டத்தின் ஒரு பகுதி:
“இங்கிலாந்துக்கு எதிரான டி20 சர்வதேசப் போட்டிகளில் நடந்தவை விளையாட்டின் ஒரு பகுதியாகும், இது ஒவ்வொரு கிரிக்கெட் வீரரும் அனுபவிக்கும் ஒன்று. பின்னர், ஐ.பி.எல்-ல் காயம் ஏற்பட்ட பிறகு, அவர் பிசிசிஐ சிறப்பு மையத்தில் தேவையான நேரத்தை செலவிட்டு உடற்தகுதியை மீட்டெடுத்தார்.”
இதையும் பாருங்க: ரோகித் நிர்வாகம் செஞ்ச வேலையை செஞ்சா.. இந்தியா WTC சாம்பியன் ஆக முடியாது.. இதை செய்யணும் – புஜாரா கருத்து
“இப்போது கே.சி.எல் போட்டிகளில் , நன்றாக விளையாடி இருக்கிறார்,” என்று அவர் கூறினார்.சாம்சன் கடைசியாக இந்தியாவுக்காக 2025 பிப்ரவரியில் விளையாடினார். இங்கிலாந்துக்கு எதிரான டி20 சர்வதேச தொடரில் அவர் ஐந்து இன்னிங்ஸ்களில் 51 ரன்கள் மட்டுமே எடுத்து தடுமாறினார். பின்னர், காயங்கள் காரணமாக தடைபட்ட ஐபிஎல் 2025 தொடரில் ராஜஸ்தான் ராயல்ஸ் அணிக்காக 9 போட்டிகளில் 285 ரன்கள் மட்டுமே எடுத்தார்.
