இங்கிலாந்து டெஸ்ட் தொடரின் நடுவே முகமது ரிஸ்வானை பாகிஸ்தான் கிரிக்கெட் போர்டு சொந்த நாட்டிற்கு திருப்பி அனுப்பிய முடிவை முன்னாள் விக்கெட் கீப்பர் ரஷீத் லத்தீஃப் கடுமையாக சாடியுள்ளார்.
இங்கிலாந்துக்கு எதிரான முதல் இரண்டு டெஸ்ட் போட்டிகளிலும் பாகிஸ்தான் டீம் மிகவும் மோசமான தோல்வியை தழுவியது. இதனால் அதிர்ச்சியடைந்த பாகிஸ்தான் கிரிக்கெட் போர்டின் தலைவர் மோசின் நக்வி அதிரடி மாற்றங்களை செய்ய உத்தரவிட்டார்.
இதனையடுத்து வைஸ் கேப்டன் முகமது ரிஸ்வான், இமாம் உல் ஹக் உள்ளிட்ட ஏழு பிளேயர்கள் தொடரின் நடுவே நீக்கப்பட்டு பாகிஸ்தானுக்கு திருப்பி அனுப்பப்பட்டனர். மேலும் ஹெட் கோச் சர்பராஸ் அகமதுவும் தனது பதவியை இழந்தார்.
தொடரின் நடுவே இதுபோன்ற அதிரடி முடிவுகளை எடுப்பது பிளேயர்களின் மைண்ட்செட்டை கடுமையாக பாதிக்கும் என்றும், இது பாகிஸ்தான் கிரிக்கெட்டின் இமேஜை உலக அளவில் சீரழிக்கும் என்றும் வல்லுனர்கள் எச்சரிக்கின்றனர்.
இதுகுறித்து ரஷீத் லத்தீஃப் பேசும்போது “முகமது ரிஸ்வான் போன்ற ஒரு சீனியர் பிளேயரை தொடரின் நடுவே இப்படி திருப்பி அனுப்புவது பாகிஸ்தான் நாட்டிற்கு நல்லதல்ல” என்று ஆரம்பித்து “இப்படிப்பட்ட முடிவுகள் பாகிஸ்தான் கிரிக்கெட்டிற்கு மிகப்பெரிய பின்னடைவை தரும். இதுபோன்ற சர்வாதிகார நடவடிக்கைகளால் டீமின் பெர்ஃபார்மன்ஸ் ஒருபோதும் முன்னேறாது” என்று கூறி இருக்கிறார்.