ஐபிஎல் 2026 ஆம் ஆண்டு சீசனுக்கான ஏலம் முடிவடைந்த பிறகு, முன்னாள் கிரிக்கெட் வீரர் அஸ்வின், தனது சிறந்த நான்கு அணிகளை தேர்வு செய்துள்ளார்.முதல் இடத்திற்கு மும்பை இந்தியன்ஸ் அணியை தேர்ந்தெடுத்தார். MI ஏலத்திற்கு முன்பே தங்களது முக்கிய வீரர்களை பெரும்பாலும் தக்க வைத்துக்கொண்டது.
டிரேட் மூலமும் ஏலத்தில் சில சாமர்த்தியமான நகர்வுகளை செய்தது. ஷார்துல் தாக்கூர் மற்றும் ஷெர்ஃபேன் ரூதர்ஃபோர்ட் போன்ற நட்சத்திரங்களை டிரேட் செய்த பிறகு, ஐந்து முறை சாம்பியன்கள் தங்களது முன்னாள் நட்சத்திரமான குயின்டன் டி காக்கை வெறும் ₹1 கோடிக்கு ஏலத்தில் எடுத்தனர்.
மும்பை, ஆர்சிபி:
கடந்த சீசனில் MI பிளே-ஆஃபுக்கு தகுதி பெற்றது ஆனால் குவாலிஃபையர் 2-இல் பஞ்சாப் கிங்ஸ் அணியால் தோற்கடிக்கப்பட்டது. இரண்டாவது தேர்வாக, அஷ்வின் தற்போதைய சாம்பியன்களான ராயல் சேலஞ்சர்ஸ் பெங்களூரு அணியை தேர்ந்தெடுத்தார். இருப்பினும், ஜோஷ் ஹேசல்வுட்டின் உடற்தகுதி மற்றும் யாஷ் தயால் விளையாடுவது முக்கியம் என்றும் அவர் கூறினார்.
RCB தங்களது சாம்பியன்ஷிப் வென்ற அணியின் பெரும்பாலான வீரர்களை தக்க வைத்துக்கொண்டது. ஆனால் ஏலத்தில் நட்சத்திர பேட்டிங் ஆல்-ரவுண்டர் வெங்கடேஷ் ஐயரை சேர்த்தது. கடந்த சீசனின் ரன்னர்ஸ்-அப்பான பஞ்சாப் கிங்ஸ் அணியையும் அஷ்வின் பிளே-ஆஃப் அணிகளில் ஒன்றாக தேர்வு செய்தார். RCB போலவே, PBKS தங்களது முக்கிய அணியை பெரும்பாலும் தக்க வைத்துக்கொண்டு ஏலத்தில் பென் ட்வார்ஷுயிஸ் மற்றும் கூப்பர் கான்னல்லி தேர்வு செய்தது.
ராஜஸ்தான் 4வது இடம்:
இறுதியாக, அஸ்வின் ராஜஸ்தான் ராயல்ஸ் அணியை டாப் நான்கில் இடம் பிடிக்கும் என்று தேர்வு செய்து, அவர்களை ‘மைட்டி குட் சைட்’ என்று அழைத்தார். சஞ்சு சாம்சனுடன் ஸ்வாப் செய்து ஆல்-ரவுண்டர்களான ரவீந்திர ஜடேஜா மற்றும் சாம் கர்ரனை டிரேட் செய்த பிறகு, RR ஏலத்தில் முன்னாள் நம்பர் 1 டி20ஸ்பின்னரான ரவி பிஷ்னோயை சேர்த்தது. அந்த அணி 2025 சீசனில் மோசமான தோல்வியை சந்தித்து, புள்ளிப்பட்டியலில் கீழிருந்து இரண்டாவது இடத்தில் முடித்தது.
இதையும் படிங்க: சிஎஸ்கே மாதிரியே படுமோசமா இருந்துட்டு.. இப்பவும் ஏன் இந்த தப்பை செஞ்சீங்க.. ஐபிஎல் அணியை விமர்சித்த ஸ்ரீகாந்த்
மும்பை குறித்து பேசிய அஸ்வின், “நீங்கள் எப்படி இதை சாதித்தீர்கள்? உங்களிடம் ரிக்கெல்டன் இருக்கிறார். வில் ஜாக்ஸ் இருக்கிறார். குயின்டன் உங்களுக்கு கடந்தகாலத்தில் என்ன செய்தார் என்பது உங்களுக்குத் தெரியும்.” என்று அஸ்வின் கூறினார்.டி காக் 2019 மற்றும் 2020-இல் MI-யுடன் தனது சிறந்த இரு IPL சீசன்களை விளையாடி, இரு சீசன்களிலும் 500-க்கும் மேல் ரன்கள் அடித்து கோப்பையை வெல்ல முக்கிய காரணமாக இருந்தார்.
