சர்வதேச கிரிக்கெட் கவுன்சில் (ஐ.சி.சி) வெளியிட்டுள்ள புதிய டெஸ்ட் பேட்ஸ்மேன்களின் தரவரிசையில் இங்கிலாந்து அணியின் ஹேரி புரூக் 874 புள்ளிகளுடன் முதலிடத்தைப் பிடித்து சாதனை படைத்துள்ளார்.
அவரைத் தொடர்ந்து இங்கிலாந்தின் ஜோ ரூட் 850 புள்ளிகளுடன் இரண்டாம் இடத்திலும், ஆஸ்திரேலியாவின் ஸ்டீவ் ஸ்மித் 840 புள்ளிகளுடன் மூன்றாம் இடத்திலும் உள்ளனர்.
ஆஸ்திரேலியாவின் டிராவிஸ் ஹெட் 4-வது இடத்தையும், தென்னாப்பிரிக்காவின் டெம்பா பவுமா 5-வது இடத்தையும் வகிக்கின்றனர். நியூசிலாந்தின் ரச்சின் ரவீந்திரா 6-வது இடத்தைப் பிடித்துள்ளார்.
இந்திய வீரர்களைப் பொறுத்தவரை ரிஷப் பண்ட் 6 இடங்கள் முன்னேறி 711 புள்ளிகளுடன் 7-வது இடத்தைப் பிடித்துள்ளார். அதே 711 புள்ளிகளுடன் சுப்மன் கில் 8-வது இடத்தில் உள்ளார்.
நியூசிலாந்தின் டேரில் மிட்செல் 9-வது இடத்தைப் பிடித்துள்ள நிலையில், பாகிஸ்தானின் பாபர் அசாம் 709 புள்ளிகளுடன் 10-வது இடத்தில் தொடர்கிறார். இன்னொரு இந்திய வீரர் ஜெய்ஷ்வால் 71 புள்ளிகள் உடன் 11-வது இடத்தில் இருக்கிறார்.
ஐ.சி.சி டெஸ்ட் பேட்ஸ்மேன் தரவரிசைப் பட்டியல்:
ஹேரி புரூக் – 874 புள்ளிகள்
ஜோ ரூட் – 850 புள்ளிகள்
ஸ்டீவ் ஸ்மித் – 840 புள்ளிகள்
டிராவிஸ் ஹெட் – 811 புள்ளிகள்
டெம்பா பவுமா – 775 புள்ளிகள்
ரச்சின் ரவீந்திரா (நியூசிலாந்து) – 740 புள்ளிகள்
ரிஷப் பண்ட் – 711 புள்ளிகள்
சுப்மன் கில் – 711 புள்ளிகள்
டேரில் மிட்செல் – 710 புள்ளிகள்
பாபர் அசாம் – 709 புள்ளிகள்
யஷஸ்வி ஜெய்ஸ்வால் – 701 புள்ளிகள்