விராட் இல்லை.. எங்கள் அணியில் பயமே இல்லாத போர் குதிரை இவர்தான் – ஸ்ரேயாஸ் ஐயர் பாராட்டு

0
0

​நியூசிலாந்து அணிக்கு எதிரான ஒருநாள் கிரிக்கெட் தொடரை இந்திய அணி கைப்பற்றியுள்ள நிலையில், அணியில் உள்ள வீரர் ஒருவர் குறித்து இந்திய அணியின் கேப்டன் ஸ்ரேயாஸ் ஐயர் வெகுவாகப் பாராட்டிப் பேசியுள்ளார்.

​இதுகுறித்து ஸ்ரேயாஸ் ஐயர் பேசும்போது “போருக்குச் செல்லும் குதிரையைப் போல எந்தவித பயமும் இல்லாமல் களத்தில் போராடக்கூடிய ஒரு வீரர் சிராஜ், எத்தகைய களத்திலும் போராடத் தயாராக இருப்பவர்” என்று குறிப்பிட்டுள்ளார். மேலும் அவர் பேசுகையில் “அவர் அணியில் இருக்கும் மிகவும் உறுதியான மற்றும் எதற்கும் அஞ்சாத ஒரு பாத்திரம், மேலும் மற்ற பந்துவீச்சாளர்களையும் ஊக்கப்படுத்தக் கூடியவராக அவர் திகழ்கிறார்” என்று கூறி இருக்கிறார்.

- Advertisement -

​மேலும் சிராஜ் குறித்து அவர் மேலும் பேசும்போது “தொடர்ச்சியான பயணங்கள் மற்றும் போட்டிகள் காரணமாக வீரர்களுக்கு ஏற்படும் சோர்வு குறித்து நாம் அனைவரும் புரிந்துகொள்ள வேண்டும், இறுதியில் நாங்கள் மனிதர்கள் மட்டுமே இயந்திரங்கள் அல்ல” என்று கூறி இருக்கிறார். இத்தொடரில் சிராஜ் காட்டிய வீரியமும், அணியின் வெற்றிக்காக அவர் வெளிப்படுத்திய பங்களிப்பும் இளம் வீரர்களுக்குச் சிறந்த முன்னுதாரணமாக உள்ளது குறிப்பிடத்தக்கது.

இந்தியா மற்றும் நியூசிலாந்து அணிகளுக்கு இடையேயான ஒருநாள் போட்டித் தொடர் முடிவுக்கு வந்துள்ள நிலையில், இரு அணிகளுக்கு இடையிலான டெஸ்ட் தொடர் விரைவில் தொடங்கவுள்ளது. உலக டெஸ்ட் சாம்பியன்ஷிப் போட்டிகளுக்கான தயாரிப்பில் இந்திய அணி தீவிரமாக இறங்கியுள்ள சூழலில், சிராஜ் போன்ற வீரர்களின் தற்போதைய ஃபார்ம் மற்றும் ஆக்ரோஷமான ஆட்டம் அணியின் வேகப்பந்து வீச்சுத் துறைக்கு மிகப்பெரிய பலமாகப் பார்க்கப்படுகிறது.

- Advertisement -
- Advertisement -