இந்தியா மற்றும் இலங்கையில் நடைபெறவிருக்கும் 2026 டி20 உலகக் கோப்பைக்கான தற்காலிக அணியை அறிவித்தது. உலகம் முழுவதும் லீக் தொடர்களில் சிறப்பான ஆட்டத்தை வெளிப்படுத்திய பிறகு சாம் கரன் அணிக்கு திரும்பியுள்ளார். இந்த அணி, மெகா நிகழ்வுக்கு முன்பாக இலங்கைக்கு எதிரான டி20 தொடரிலும் போட்டியிடவுள்ளது.
முந்தைய டி20 உலகக் கோப்பையில் அணியில் இடம்பிடித்திருந்த சாம் கரன், தற்போது ILT20 2025 தொடரில் நான்காவது அதிக ரன்கள் அடித்த வீரராக உள்ளார். இடது கை ஆல்ரவுண்டர், டெசர்ட் வைப்பர்ஸ் அணிக்காக 10 போட்டிகளில் 35.92 சராசரியுடன் 285 ரன்கள் குவித்துள்ளார்.
அத்துடன் 7 விக்கெட்டுகளையும் வீழ்த்தியுள்ள அவர், இலங்கை தொடரைப் பயன்படுத்தி தனது இடத்தை மேலும் உறுதிப்படுத்த முயல்வார். ஆஷஸ் தொடரில் மெல்போர்னில் இங்கிலாந்தின் வெற்றியில் முக்கிய பங்காற்றிய வலது கை வேகப்பந்து வீச்சாளர் ஜோஷ் டங், உலகக் கோப்பை அணியில் முதல்முறையாக இடம்பிடித்துள்ளார்.
இதற்கிடையில், ஆஷஸ் தொடரின்போது ஏற்பட்ட காயத்திலிருந்து மீண்டு வரும் ஜோஃப்ரா ஆர்ச்சர், இலங்கை சுற்றுப்பயணத்தில் இடம்பெறவில்லை. ஆனால் உலகக் கோப்பை தற்காலிக அணியில் அவர் இடம்பெற்றுள்ளார். சுழற்பந்து ஆல்ரவுண்டர் லியாம் டாசன், வெஸ்ட் இண்டீஸுக்கு எதிரான உள்நாட்டு தொடரில் சிறப்பாக ஆடிய பிறகு அணியில் இடம்பெற்றுள்ளார்.
அதில் ரஷீத் மற்றும் ரெஹான் அஹ்மதுடன் சுழற்பந்து பொறுப்பை ஏற்கவுள்ளார். இங்கிலாந்து டி20 உலகக் கோப்பை அணி: ஹாரி புரூக் (கேப்டன்), ரெஹான் அஹ்மத், ஜோஃப்ரா ஆர்ச்சர் (உலகக் கோப்பைக்கு மட்டும்), பிரைடன் கார்ஸ் (இலங்கை சுற்றுப்பயணத்துக்கு மட்டும்), டாம் பான்டன், ஜேக்கப் பெதெல், ஜோஸ் பட்லர், சாம் கர்ரன், லியாம் டாசன், பென் டக்கெட், வில் ஜாக்ஸ், ஜேமி ஓவர்டன், அதில் ரஷீத், பில் சால்ட், ஜோஷ் டங், லூக் வுட்.
இங்கிலாந்து ஒருநாள் அணி (இலங்கை சுற்றுப்பயணம்): ஹாரி புரூக் (கேப்டன்), ரெஹான் அஹ்மத், டாம் பான்டன், ஜேக்கப் பெதெல், ஜோஸ் பட்லர், பிரைடன் கார்ஸ், ஜாக் கிராலி, சாம் கர்ரன், லியாம் டாசன், பென் டக்கெட், வில் ஜாக்ஸ், ஜேமி ஓவர்டன், அதில் ரஷீத், ஜோ ரூட், லூக் வுட்.
இதையும் படிங்க: அந்த 2 இந்திய வீரர்கள் மாதிரி விளையாடினா.. ஆஷஸ் 4வது டெஸ்ட் அவ்ளோ ஈசியா முடிந்து இருக்காது – ராபின் உத்தப்பா பேட்டி
இலங்கை சுற்றுப்பயணம் ஒருநாள் தொடருடன் ஜனவரி 22 அன்று தொடங்குகிறது. டி20ஐ தொடர் ஜனவரி 30 அன்று ஆரம்பமாகிறது. இதற்கிடையில், 2024 டி20 உலகக் கோப்பையின் அரையிறுதியில் கயானாவில் இங்கிலாந்து அணி சாம்பியனான இந்தியாவிடம் 68 ரன்கள் வித்தியாசத்தில் தோற்றது. இருமுறை சாம்பியனான இங்கிலாந்து அணி உலகக் கோப்பை பயணத்தை பிப்ரவரி 8 அன்று மும்பை வான்கடே மைதானத்தில் நேபாளுக்கு எதிராக தொடங்கவுள்ளது.