கில்லுக்கு தைரியம் இல்ல.. அந்த ஒரு காரியத்தை செய்யாததால் தான் தோற்றோம் – புஜாரா வருத்தம்

இலங்கை மற்றும் இந்திய அணிகளுக்கு இடையேயான இரண்டாவது டெஸ்ட் போட்டி டிரா ஆன நிலையில், இந்திய கேப்டன் சுப்மன் கில்லின் கேப்டன்சி தந்திரோபாயங்கள் குறித்து முன்னாள் இந்திய வீரரும் பேட்டிங் லெஜண்டுமான செதேஷ்வர் புஜாரா பேசியிருக்கிறார்.

​கொழும்புவில் நடைபெற்ற இந்த டெஸ்ட் போட்டியில் இந்திய அணி 503 ரன்கள் குவித்து, இலங்கையை ஃபாலோ ஆன் செய்ய வைத்து வெற்றி பெறக்கூடிய வாய்ப்பை உருவாக்கியது. ஆனால், ஐந்தாம் நாள் ஆட்டத்தில் இலங்கை அணி விக்கெட்டுகளை விடாமல் போட்டியை டிரா செய்து இந்தியாவிற்கு ஏமாற்றத்தை அளித்தது.

​சுப்மன் கில்லின் பீல்டிங் வியூகங்கள் குறித்து புஜாரா பேசும்போது “கில் கொஞ்சம் டிஃபென்சிவாக செயல்பட்டார். அவர் அதிகமான போட்டிகளில் அணியை வழிநடத்தாததால், அவரிடம் அனுபவக்குறைவு உள்ளது. நிச்சயமாக அவர் தன் தவறுகளில் இருந்து கற்றுக்கொள்வார். போட்டியில் நீங்கள் முன்னிலையில் இருக்கும்போது மேலும் அட்டாக் செய்ய வேண்டும்” என்று கூறியுள்ளார்.

​தொடர்ந்து கில்லின் கேப்டன்சி தவறு பற்றி பேசும்போது “கேஷரா நுவாந்தா போன்ற லோயர் ஆர்டர் பேட்டர் பேட்டிங் செய்யும்போது, மானவ் சுதர் அல்லது ரவீந்திர ஜடேஜா பந்துவீசும் நேரத்தில் சிலி பாயிண்ட் மற்றும் கல்லி போன்ற அட்டாக்கிங் பீல்டர்களை வைத்திருந்து அழுத்தத்தை அதிகரித்திருக்க வேண்டும்” என்று சுட்டிக்காட்டுகிறார்.

​மேலும் இந்தியா ஃபாலோ ஆன் கொடுத்த முடிவைப் பற்றி பேசும்போது “இந்தியா ஃபாலோ ஆன் கொடுக்காமல் மீண்டும் பேட்டிங் செய்திருந்தால் வெற்றிபெற அதிக வாய்ப்பு இருந்திருக்கும். ஏனெனில், கடுமையான வெப்பத்தில் தொடர்ந்து பந்துவீசுவது சிரமம். இருந்தாலும் வானிலை சூழலால் ஃபாலோ ஆன் கொடுத்த முடிவை முழுமையாக தவறு என்றும் சொல்லிவிட முடியாது” என்று கூறி முடிக்கிறார்.