முன்னாள் இந்திய கிரிக்கெட் வீரர் ஆகாஷ் சோப்ரா, வரவிருக்கும் ஆசிய கோப்பையில் வங்கதேசம் ஆரம்பத்திலேயே வெளியேறும் என்று தெரிவித்தார். வங்கதேச அணியின் கேப்டன் லிட்டன் தாஸை அதிகமாக நம்பியிருப்பதையும் அவர் சுட்டிக்காட்டினார். 10 டி20 சர்வதேச போட்டிகளில் விளையாடிய லிட்டன், ஆசிய கோப்பை அணியில் வங்கதேசத்தின் மிக அனுபவமிக்க வீரர்களில் ஒருவராக விளங்கினார்.
லிட்டனின் திறமையான வீரராக இருந்தாலும், 126.46 என்ற ஏமாற்றமளிக்கும் ஸ்ட்ரைக் ரேட்டைப் பெற்றுள்ளார். இது குறித்து பேசிய ஆகாஷ் சோப்ரா, “வங்கதேச அணி, லிட்டன் தாஸை அதிகமாக நம்பியிருக்கிறார்கள். லிட்டன் தாஸ் ஒரு தரமான வீரர். ஆனால் அவர் தனது திறனுக்கு ஏற்ப சாதிக்கவில்லை.”
ஸ்ட்ரைக் ரேட் குறைவு:
“தற்போது அவர் கேப்டனாக இருப்பதால், நிச்சயமாக அவரது பேட்டிங்கை பாதிக்கும். ஆனால் அவர்கள் அவரை அதிகமாக நம்புகிறார்கள். முக்கியமான தருணங்களில் அவர்கள் தடுமாறும் போக்கு உள்ளது. 2025 ஆண்டை பார்க்கும்போது, 150-க்கு அருகில் ஸ்ட்ரைக் ரேட் கொண்ட பேட்ஸ்மேன்கள் மிகக் குறைவு. “
“ஒரு அல்லது இரண்டு பேர் மட்டுமே 140 ஸ்டரைக் ரேட்க்கு மேல் உள்ளனர். அவர்கள் 210-220 ரன்கள் எடுக்கும் அணி இல்லை. 160-180 ரன்கள் எடுப்பதில் வசதியாக இருக்கும் அணி அவர்கள். எதிரணி அதிகமாக அடிக்க முடிவு செய்தால், அவர்களுக்கு பதிலளிக்கும் வழி இருக்காது. வாய்ப்பைப் பற்றி பேசினால், அவர்களுக்கு இழப்பதற்கு எதுவும் இல்லை, உலகையே வெல்லலாம்.”
வங்கதேசம் குறித்து கருத்து:
“ஏனெனில் அவர்கள் பல நாடுகள் பங்கேற்கும் தொடர்களில் நீண்ட காலமாக நன்றாக செயல்படவில்லை. முன்பு அவர்கள் தங்கள் எடையை விட அதிகமாக சாதித்தார்கள். 2007-ல் எங்களை வெளியேற்றினார்கள். உலக தொடர்களில் அவர்கள் பங்கேற்பாளர்களாக உள்ளனர். ஆனால் போட்டியாளர்களாக செல்வதில்லை, இப்போது அவர்கள் அதை செய்ய விரும்புகிறார்கள்.”
“எனவே, வாய்ப்புகள் ஏராளமாக உள்ளன. ஆனால் உண்மையைச் சொல்ல வேண்டுமென்றால், அவர்களுக்கு வேலை கடினமாக உள்ளது, இருப்பினும் டி20-யில் எந்த அணியையும் முழுமையாக நிராகரிப்பது தவறாக இருக்கும். அவர்கள் லீக் கட்டத்தில் தடைபடலாம் என்று நான் உணர்கிறேன்.”
இதையும் படிங்க: துலீப் கோப்பை அரையிறுதி.. ஜெய்ஸ்வால், ஸ்ரேயாஸ் ஏமாற்றம்.. 184 ரன்கள் குவித்த ருதுராஜ்
“ஆப்கானிஸ்தானும் இலங்கையும் அந்த குழுவில் இருந்து தகுதி பெறலாம். எனவே, வங்கதேசத்தின் பயணம் லீக் கட்டத்திலேயே முடிவடையலாம்,” என்று கூறினார்.வங்கதேசம் தொடர்ச்சியாக மூன்று டி20 சர்வதேச தொடர்களில் வெற்றி பெற்று ஆசிய கோப்பைக்கு வருகிறது. ஐக்கிய அரபு எமிரேட்ஸில் நடைபெறவிருக்கும் இந்த 20 ஓவர் தொடரில் இந்த உத்வேகத்தை தக்கவைத்து நல்ல ஆட்டத்தை வெளிப்படுத்த அவர்கள் ஆர்வமாக உள்ளனர்.
