நியூசிலாந்து அணிக்கு எதிரான இரண்டாவது டி20 போட்டிக்கு முன்னதாக, இளம் வீரர் வைபவ் சூர்யவன்ஷியின் அர்ப்பணிப்பு மற்றும் நேர்மறையான மனப்பான்மையை இந்திய அணியின் பேட்டிங் பயிற்சியாளர் சீதான் கோடாக் வெகுவாகப் பாராட்டியுள்ளார்.
இதுகுறித்து இந்திய அணியின் பேட்டிங் பயிற்சியாளர் சீதான் கோடாக் பேசும்போது “அவன் மிகவும் எளிமையான பையன். அவன் எப்போதுமே எதைப் பற்றியும் புகார் செய்ததாக நான் நினைக்கவில்லை. மேலும் அவன் தனது ஃபீல்டிங், ஃபிட்னஸ் மற்றும் பேட்டிங் ஆகியவற்றில் தொடர்ந்து தீவிரமாக வேலை செய்து வருகிறான். ஆட்டம் எவ்வாறு செல்கிறது, மூத்த வீரர்கள் அதை எப்படி அணுகுகிறார்கள் என்பதையும் அவன் உன்னிப்பாகக் கவனித்து வருகிறான். ஏனெனில் பந்தை அடிக்கும் திறமை ஒருபுறம் இருக்க, இந்த லெவலில் பேட்டிங் செய்யும்போது கற்றுக்கொள்ள வேண்டிய விஷயங்கள் வேறு மாதிரியானவை. அவனும் அதைக் கற்றுக்கொள்ள வேண்டும், நிச்சயமாக அவன் கற்றுக் கொள்வான்; அவன் மிகவும் புத்திசாலித்தனமான மற்றும் திறமையானவன்” என கூறி இருக்கிறார்.
மற்றும் இதுகுறித்து அவர் மேலும் பேசும்போது “வைபவ் பயிற்சியை அணுகும் விதத்தில் ஒரு தனித்துவமான வழியை வைத்துள்ளான். அவன் சிரமப்படுகிறான் என்று நான் கூற மாட்டேன், ஆனால் அவனுக்குப் பிடித்த சில விஷயங்கள் உள்ளன, அவன் தாக்கத்தை ஏற்படுத்த விரும்பும் ஒரு குறிப்பிட்ட வழி உள்ளது. நிச்சயமாக, பிராக்டிஸ் விக்கெட், அதன் பவுன்ஸ் மற்றும் போட்டியின் சூழல் ஆகியவை மிகவும் வேறுபட்டவை. ஆனால் சில பகுதிகளில் இருந்து பந்து எங்கு நகர்கிறது மற்றும் அதற்காக அவன் என்ன ஷாட்கள் அடிக்கலாம் என்பது பற்றியே அவனுடன் நான் பேசினேன்” என கூறி இருக்கிறார்.
இறுதியாக அவர் கூறும்போது “அவன் விளையாட்டை அணுகும் விதத்தை நான் மாற்ற விரும்ப மாட்டேன், அப்படிப்பட்ட ஒரு சூழ்நிலை கட்டாயமாக வரும் வரை அதைத் தொடர்வேன். வைபவ்வின் திறமை எந்த அளவுக்கு என்றால் அவன் அடிக்கடி தடுமாறுவதில்லை. அவன் யோசித்து, முடிவு செய்து தனது ஷாட்களை விளையாடுகிறான். பந்தின் தகுதிக்கேற்ப ஷாட்களை விளையாடும் வீரர்களும் உண்டு, பந்து எங்கு சென்றாலும் தன் விருப்பப்படி ஷாட்களை உருவாக்க முயற்சிப்பவர்களும் உண்டு. என்னை பொறுத்தவரை வைபவ் அந்த மாதிரி ஆட்டத்தை ஆதிக்கம் செலுத்தி தனது விருப்பப்படி ஷாட்களை விளையாடும் வீரர்” என கூறி இருக்கிறார்.
