நேற்றைய போட்டியில் 405 ரன்கள் என்ற மிகப்பெரிய இலக்கை வெற்றிகரமாக சேஸ் செய்து இரட்டை சதம் விளாசிய பின், இந்திய கேப்டன் சுப்மன் கில் போட்டி குறித்து பேசி இருக்கிறார்.
இது குறித்து அவர் பேசும் போது ”நான் வியர்க்காதது போல வெளியே தெரியலாம், ஆனால் இப்போது என் உடலின் ஒவ்வொரு பாகத்திலும் தசைப்பிடிப்பு இருக்கிறது. மதிய வேளையில் வெயில் மிகக் கடுமையாக இருந்தது; அவர்கள் பேட்டிங் செய்த விதத்தைப் பார்த்தபோது, வெறும் 13 ஓவர்களிலேயே நாங்கள் 25 ஓவர்கள் பீல்டிங் செய்துவிட்டது போன்ற உணர்வுதான் எனக்கு ஏற்பட்டது”
“அரைவாசி ஆட்டம் முடிந்ததும், போர்டில் 400 ரன்கள் இருந்ததால் எங்கள் மீது சற்றே அழுத்தம் இருந்தது. ஆடுகளம் எவ்வளவு நன்றாக இருந்தாலும், மைதானம் எவ்வளவு சிறியதாக இருந்தாலும் 400 ரன்களை சேஸ் செய்வது எளிதல்ல. போட்டி முடியும் வரை களத்தில் நின்று அணிக்கு வெற்றியைப் தேடித்தந்தது எனக்கு மிகுந்த மகிழ்ச்சியளிக்கிறது”
“நாங்கள் போட்டியைச் சிறு சிறு இலக்குகளாகப் பிரித்துக்கொண்டோம். பவர்ப்ளேயில் விக்கெட் இழப்பின்றி 75-80 ரன்கள் எடுத்தால் அது நல்ல தொடக்கமாக இருக்கும் என்று நினைத்தோம். அதன்பின் 25 ஓவர்களில் 200-210 ரன்கள் எடுக்க திட்டமிட்டோம், ஆனால் நாங்கள் 230 ரன்களுக்கு மேல் எடுத்து அழுத்தத்தை எதிரணி மீது திருப்பினோம்”
“எங்கள் பந்துவீச்சைப் பொறுத்தவரை, முதல் போட்டியைப் போலவே பவர்ப்ளேயில் நாங்கள் சரியாக வீசவில்லை. அவர்கள் 420-430 ரன்கள் வரை எடுப்பார்கள் என்று தோன்றிய நிலையில், கடைசி கட்டத்தில் 25-30 ரன்களைக் கட்டுப்படுத்தியது நமக்குக் கிடைத்த சாதகமாகும்.
தொடரைக் கைப்பற்றிவிட்டதால், இறுதி ஒருநாள் போட்டியில் வாய்ப்பு கிடைக்காத வீரர்களுக்கு வாய்ப்பளிக்க நிச்சயமாக விரும்புவேன். எந்தக் கலவை நமக்குச் சரியாக இருக்கும் என்பதைப் பார்த்து அவர்களுக்கு வாய்ப்பளிப்போம்” என்று கூறியிருக்கிறார்.
