ஐபிஎல் 2025ஆம் ஆண்டு சீசன் குவாலிபையர் 2 பிரிவில் மும்பை இந்தியன்ஸ் அணிக்கு எதிரான ஆட்டத்தில் பஞ்சாப் கிங்ஸ் அணி, அபாரமாக சேஸ் செய்து வெற்றி பெற்றது. அகமதாபாத்தின் நரேந்திர மோடி ஸ்டேடியத்தில் நடந்த இந்தப் போட்டியில், ஐயர் 41 பந்துகளில் 87* ரன்கள் எடுத்து, தனது அணியை இறுதிப் போட்டிக்கு அழைத்துச் சென்றார். ஆனால், இறுதிப் போட்டியில், அவர்கள் ராயல் சேலஞ்சர்ஸ் பெங்களூருவிடம் தோல்வியடைந்தனர்.
மும்பை இந்தியன்ஸுக்கு எதிரான போட்டி முடிந்த பிறகு, வழக்கமான கைக்குலுக்கலின் போது, ஐயர், ஷஷாங்க் சிங்கை திட்டி இருக்கிறார். தனது அசட்டையான அணுகுமுறை காரணமாக ஐயரிடமிருந்து திட்டு வாங்கியதாக ஷஷாங்க் தற்போது வெளிப்படுத்தியுள்ளார்.
இது அணியின் வெற்றியைப் பாதிக்கும் அளவுக்கு இருந்ததாகவும், ஆனால் பின்னர் இருவரும் ஒன்றாக இரவு உணவுக்கு சென்றதாகவும் அவர் கூறினார்.
“நான் அதற்கு தகுதியானவன் தான், ஐயர் என்னை அறைந்திருக்க வேண்டும். இறுதிப் போட்டி வரை என் தந்தை என்னுடன் பேசவில்லை.
நான் அசட்டையாக இருந்தேன், தோட்டத்தில் கூட இல்லாமல் கடற்கரையில் நடந்து கொண்டிருந்தேன். அது முக்கியமான தருணமாக இருந்தது. ஷ்ரேயாஸ், ‘உன்னிடம் இதை நான் எதிர்பார்க்கவில்லை’ என்று தெளிவாகக் கூறினார். ஆனால், பின்னர் அவர் என்னை இரவு உணவுக்கு அழைத்துச் சென்றார்,” என்று ஷசாங்க் கூறினார்.
ஸ்ரேயாஸ் ஐயரிடமிருந்து கடுமையான வார்த்தைகளைப் பெற்ற போதிலும், ஷஷாங்க் சிங் அவரது கேப்டன்ஷிப் திறனைப் பாராட்டினார். தற்போதைய உலக கிரிக்கெட்டில் ஐயரை விட சிறந்த கேப்டன் இல்லை என்றும், டிரஸ்ஸிங் ரூமில் உள்ள இளைஞர்கள் அவருடன் மிகவும் சுதந்திரமாக உணர்கிறார்கள் என்றும் ஷசாங் கூறினார்.
மேலும், ஐயர் சரியான ஆலோசனைகளை சரியான நபர்களிடமிருந்து ஏற்றுக்கொள்ள தயங்குவதில்லை என்றும் ஷஷாங்க் குறிப்பிட்டார்.
“நான் மற்றவர்களுடன் பேசியதிலிருந்தும், பார்த்ததிலிருந்தும், தற்போதைய உலக கிரிக்கெட்டில் ஸ்ரேயாஸை விட சிறந்த கேப்டன் இல்லை. அவர் எங்களுக்கு சுதந்திரம் அளிக்கிறார்.
இதையும் பாருங்க: ஸ்ரேயாஸ் என்னை அறைந்திருப்பார்.. நான் செய்ததுதவறு தான்.. பஞ்சாப் கிங்ஸ் வீரர் ஷசாங் கருத்து
அனைவரையும் சமமாக நடத்துகிறார். ஷ்ரேயாஸுக்கு அகந்தை உள்ளது என்று யாரும் சொல்ல மாட்டார்கள். டிரஸ்ஸிங் ரூமில் உள்ள இளைஞர்கள் அவரை ஒரு ‘கூல் பையன்’ என்று கருதுகின்றனர். ஷ்ரேயாஸ் மட்டுமே, போட்டியின்போது யாராவது ஆலோசனை கொடுக்க விரும்பினால், அதை வந்து சொல்லலாம் என்று கூறியவர். அந்த ஆலோசனை சரியானதாக இருந்தால், அதை ஏற்றுக்கொள்கிறார். இது அரிதானது,” என்று பஞ்சாப் கிங்ஸின் ஃபினிஷர் ஷஷாங்க் கூறினார்.