கிரிக்கெட்டுக்கு உரிய மரியாதையை இசான் கிஷன் அளித்ததன் காரணமாக தற்போது டி20 உலககோப்பையில் சேர்க்கப்பட்டு இருப்பதாக முன்னாள் வீரர் அஸ்வின் தெரிவித்தார். இஷான் கிஷன் எதிர்பாராத வகையில் டி20 உலககோப்பை இந்திய அணியில் இடம் பிடித்தார். அவர் கடைசியாக இந்தியாவுக்காக நவம்பர் 2023இல் ஆடியிருந்தார்.
27 வயதான இஷானின் தேர்வு குறித்து யூடியூப் வீடியோவில் பேசிய அஷ்வின், “இது கிரிக்கெட் இஷான் கிஷானுக்கு அளித்த பரிசு. வெளியில் இருந்து பலர் இதை யூகிக்கலாம், சிலர் இது நியாயமற்றது என்று கூறலாம். ஆனால் வாழ்க்கை வட்டமாக திரும்பி வரும். முன்பு இஷான் அணியில் இல்லாததற்கும், இப்போது திரும்பி வந்ததற்கும் ஒரே காரணம் தான். அவர் கிரிக்கெட்டுக்கு உரிய மரியாதையை அளித்துள்ளார்.”
உள்ளூர் போட்டியில் ஆடினார்:
“பூச்சி பாபு டிராபியில் ஆடினார். இஷான் கிஷன் போன்ற வீரர் சென்னையில் நடந்த போட்டியில் ஜார்கண்டை அணிக்காக விளையாட வந்தார். ரஞ்சி டிராபிக்கு தயாராக முக்கியத்துவம் அளித்தார் மற்றும் மீண்டும் பர்ஸ்ட் கிளாஸ் கிரிக்கெட்டில் ரன்கள் குவித்தார். எஸ்எம்ஏடியில் அணியை வெற்றிக்கு வழிநடத்தினார்.
மேலும் அற்புதமாக செயல்பட்டார். அதனால் இது இஷான் கிஷன் என்ற நபரைப் பற்றியது அல்ல, இஷான் கிஷன் என்ற கிரிக்கெட்டரைப் பற்றியது, அவர் விளையாட்டின் அனைத்து கட்டங்களையும் கடந்து, விளையாட்டை மதித்து, அதனால் வெற்றி பெற்றார்,” என்று அஸ்வின் கூறினார். இஷான் சமீபத்தில் ஜார்கண்டை அணியை முதல் சையது முஷ்டாக் அலி டிராபி பட்டத்திற்கு வழிநடத்தினார்.
தேர்வுக்குழுவின் செய்தி:
10 இன்னிங்ஸ்களில் 517 ரன்கள் குவித்தார், சராசரி 57.44 மற்றும் ஸ்ட்ரைக் ரேட் 197.32 ஆகும். அந்த தொடரில் இரண்டு அரைசதங்கள் மற்றும் இரண்டு சதங்கள் அடங்கும். இது குறித்து பேசிய அஸ்வின், “நேர்மையாகச் சொன்னால், மறுபுறம் ரிங்கு சிங்குக்கு வாய்ப்பு கிடைத்தது ஆச்சரியம். பின்னர் இஷான் கிஷனும் வந்தார். பல வீரர்களுக்கு, குறிப்பாக பர்ஸ்ட் கிளாஸ் சுற்றில் ஆடுபவர்களுக்கு, இது பெரிய செய்தி தான். எஸ்எம்ஏடியில் ஆட வேண்டும். இது மீண்டும் சில பெரிய வீரர்கள் விரைவில் விஜய் ஹசாரே டிராபியில் ஆடுவார்கள் என்ற புள்ளிக்கு கொண்டு வருகிறது.”
இதையும் படிங்க: டி20 உலககோப்பை இந்திய அணியில் கில்லுக்கு பதில், 23 வயது வீரரை எதிர்பார்த்தேன்.. சடகோபன் ரமேஷ் கருத்து
“எனவே தேர்வுக்குழு உரத்த குரலில் சொல்லி இருக்கிறது. நீங்கள் எந்த வீரராக இருந்தாலும், பெரியவராகவோ சிறியவராகவோ, புதியவராகவோ, பர்ஸ்ட் கிளாஸ் கிரிக்கெட்டில் செயல்படுங்கள், எங்கள் கண்கள் உங்கள்மீது உள்ளன. நிச்சயம் இஷான் கிஷானுக்கு தரம் உண்டு. ஒருநாள் கிரிக்கெட்டில் இரட்டை சதம் அடித்த விதம் அவரது தரத்திற்கு சான்று. என்று அஸ்வின் கூறினார். இஷான் கிஷன் இந்தியாவுக்காக அனைத்து வடிவங்களிலும் 61 போட்டிகளில் ஆடியுள்ளார். 1807 ரன்கள் குவித்துள்ளார். சராசரி 33.46, 14 அரைசதங்கள் மற்றும் ஒரு சதம் அடங்கும்.
