ஐபிஎல் 2026 சீசனுக்கான ஏலத்தில் சென்னை சூப்பர் கிங்ஸ் அணி, ஆஸ்திரேலிய ஆல்-ரவுண்டர் கேமரூன் கிரீனை குறிவைக்க வேண்டும் என்று முன்னாள் கிரிக்கெட் வீரர் ஸ்ரீகாந்த் தெரிவித்துள்ளார். இந்த ஆண்டு ஐபிஎல் சீசனில் சிஎஸ்கே மிக மோசமான செயல்பாட்டை வெளிப்படுத்தி, முதல் முறையாக அட்டவணையில் கடைசி இடத்தைப் பிடித்தது.
இதற்கிடையில், கிரீன் முதுகு காயம் காரணமாக அறுவை சிகிச்சை செய்ய வேண்டியிருந்ததால் ஐபிஎல் 2025 சீசனை தவறவிட்டார். இருப்பினும், 26 வயதான கிரீன், வரவிருக்கும் மினி ஏலத்தில் அதிக விலைக்கு செல்லக்கூடிய வீரராக இருப்பார் என்று எதிர்பார்க்கப்படுகிறது.
சிஎஸ்கே இவரை எடுக்கனும்:
இது குறித்து யூடியூப் சேனலில் பேசிய ஸ்ரீகாந்த்,”சிஎஸ்கேக்கு ஏற்ற வீரர் கேமரூன் கிரீன். ஒரு மிடியம்-பேஸ் ஆல்-ரவுண்டர். நான் நிச்சயமாக நாதன் எல்லிஸை தக்கவைப்பேன். பதிரனா இருந்தாலும், எல்லிஸை தக்கவைப்பேன். முதல் ஏழு வீரர்கள் ஏற்கனவே தயாராக உள்ளனர்.”
“சிஎஸ்கே பதிரனாவையும் எல்லிஸையும் பதினொரு பேர் கொண்ட அணியில் விளையாட வைக்கலாம். எனவே, அணி ஏற்கனவே பாதி தயாராகிவிட்டது. இப்போது காயங்களுக்கு ஏற்ப வீரர்களை தேர்ந்தெடுப்பது மட்டுமே உள்ளது.நல்ல பணப்பையுடன் சென்று வலுவான அணியை உருவாக்க சிறந்த வாய்ப்பைப் பெற வேண்டும். மற்ற அணிகளும் வீரர்களை விடுவிக்கும்.
“எனவே அவர்களில் இருந்தும் வீரர்களை தேர்ந்தெடுக்கலாம். புதிய வீரர்களை மட்டும் தேர்ந்தெடுக்க வேண்டிய அவசியமில்லை.” என்று ஸ்ரீகாந்த் தெரிவித்தார். கிரீன், இந்த ஆண்டு ஜூலை மாதம் காயத்தில் இருந்து திரும்பிய பிறகு டி20 யில் சிறப்பான ஃபார்மில் உள்ளார், எட்டு போட்டிகளில் 43 சராசரியுடனும் 168.62 ஸ்ட்ரைக் ரேட்டுடனும் விளையாடி வருகிறார்.
வீரர்கள் பட்டியல்:
தொடர்ந்து பேசிய ஸ்ரீகாந்த், “நான் நிச்சயமாக டெவோன் கான்வேயை விடுவிப்பேன். ரச்சின் ரவீந்திராவை தக்கவைக்க மாட்டேன், குறிப்பாக ஜடேஜா ஏற்கனவே இருக்கிறார். எனவே, ரச்சின் ரவீந்திராவை விடுவித்து, குறைந்த விலையில் மீண்டும் வாங்க முயற்சிப்பேன். அதேபோல், ராகுல் திரிபாதியையும் விடுவிக்க வேண்டும்”
இதையும் படிங்க: ஆஸ்திரேலிய அணிக்கு எதிரான முதல் ஒருநாள் போட்டி.. இந்திய அணியின் பிளேயிங் லெவன் என்ன?
“சாம் கரனையும் விடுவிக்க வேண்டும். அவர் வேறு இடங்களில் நன்றாக செயல்படலாம், ஆனால் ஐபிஎல்-இல் அவர் சிறப்பாக செயல்பட வேண்டும். சிஎஸ்கே-யின் முதல் ஏழு வீரர்கள் ஏற்கனவே மாட்ரே, ருதுராஜ் கெய்க்வாட், உர்வில் படேல், சிவம் துபே, டிவால்ட் ப்ரீவிஸ், ஜடேஜா மற்றும் தோனியுடன் தயாராக உள்ளனர். எனவே, சாம் கர்ரனை ஏன் தக்கவைக்க வேண்டும்? அவர் இந்த பதினொரு பேர் கொண்ட அணியில் எங்கு பொருந்துவார்? ஹூடாவையும் ஓவர்டனையும் விடுவிக்க வேண்டும்.” என்று ஸ்ரீகாந்த் கூறினார்.
