சர்வதேச கிரிக்கெட் கவுன்சில் சில முக்கிய விதிமுறைகளில் பெரிய மாற்றங்களைச் செய்ய உள்ளது. ஒவ்வொரு வடிவத்திலும் ஒரு திருத்தம் செய்யப்படும், இவை 2025-26 கிரிக்கெட் சீசனில் அமல்படுத்தப்படும். இந்த விதிகள் டெஸ்ட் போட்டிகளில் 2025-27 WTC சுழற்சி தொடங்குவதற்கு முன், ஜூன் மாதம் முதல் அமலுக்கு வரும்.
அதேசமயம் ODI மற்றும் T20I வடிவங்களில் திருத்தங்கள் ஜூலை மாதம் முதல் அமலாகும்.2011 ODI உலகக் கோப்பை முடிந்த பிறகு, ODI வடிவத்தில் இரண்டு புதிய பந்துகள் பயன்படுத்தப்படுகின்றன. ஆனால், ரிவர்ஸ் ஸ்விங் குறைவதாலும், பேட்டிங்கின் வேகமான தன்மை காரணமாக ஸ்பின்னர்களுக்கு விளையாட்டில் தாக்கம் செலுத்துவது கடினமாக இருப்பதாலும், ICC மீண்டும் ஒரு பந்து மட்டுமே பயன்படுத்தப்படும் விதியை, 2011-க்கு முன்பு இருந்தவாறு, ODI-களில் மீண்டும் கொண்டுவர முடிவு செய்துள்ளது.
புதிய பந்து விதியில் மாற்றம்:
“1 முதல் 34 ஓவர்கள் வரை இரண்டு புதிய பந்துகள் பயன்படுத்தப்படும். 34 ஓவர்கள் முடிந்து, 35-வது ஓவர் தொடங்குவதற்கு முன், பீல்டிங் செய்யும் அணி இரண்டு பந்துகளில் ஒரு பந்தை 35 முதல் 50 ஓவர்கள் வரை பயன்படுத்தத் தேர்ந்தெடுக்கும். தேர்ந்தெடுக்கப்பட்ட பந்து, போட்டியின் மீதமுள்ள ஓவர்களுக்கு இரு முனைகளிலும் பயன்படுத்தப்படும் என்று புதிய வழிகாட்டுதல் கூறுகிறது.
இதன்படி, 50 ஓவர்களில் கடைசி 16 ஓவர்களுக்கு அணிகள் இரண்டு புதிய பந்துகளில் ஒரு பந்தை மட்டுமே பயன்படுத்த முடியும். ICC-யின் புதிய விதி மாற்றங்கள் மற்றும் திருத்தங்கள்ஒரு பந்து பயன்பாட்டுடன், மழையால் பாதிக்கப்பட்ட போட்டிகளில், ஆட்டம் 25 ஓவர்களுக்கு அல்லது அதற்கும் குறைவாக குறைக்கப்பட்டால், இரு அணிகளுக்கும் ஒரே ஒரு புதிய பந்து மட்டுமே வழங்கப்படும்.
விதிகளில் மாற்றம்:
மேலும், தலையில் அடிப்பட்டால், மாற்று வீரர்களை களமிறக்கும் Concussion Substitute விதிகளிலும் மாற்றம் உள்ளது. புதிய விதிகளின்படி, ஒரு அணி ஐந்து வீரர்களை மாற்று வீரர்களாக அறிவிக்க வேண்டும்.
அணிகள் ஒரு பேட்ஸ்மேன், ஒரு விக்கெட் கீப்பர், ஒரு ஸ்பின்னர், ஒரு வேகப்பந்து வீச்சாளர் மற்றும் ஒரு ஆல்-ரவுண்டரை மாற்று வீரர்களாகப் போட்டி தொடங்குவதற்கு முன் பரிந்துரைப்பார்கள்.
இதையும் படிங்க: ஐபிஎல் 2025.. இன்னும் சில குறைகளை பேட்டிங்கில் சரி செய்யனும்.. ஆரஞ்சு நிற தொப்பி வைத்துள்ள சாய் சுதர்சன் கருத்து
இருப்பினும், இவர்களில் யாராவது போட்டியின்போது காயமடைந்தால், மேட்ச் ரெஃபரி, திறன் அடிப்படையில் ஒத்தவர் என்ற நிபந்தனையின் கீழ், இந்த ஐந்து பரிந்துரைக்கப்பட்ட வீரர்களுக்கு வெளியே ஒரு வீரரை மாற்று வீரராக அனுமதிக்கும் அதிகாரம் பெறுவார்.
கூடுதலாக, DRS குறிப்பிட்ட நேரத்தில் பயன்படுத்துவதற்கான தெளிவு, பவுண்டரி அருகே கேட்ச் பிடிப்பது போன்ற பிற விதிகளிலும் திருத்தங்கள் இருக்கும். இருப்பினும், இவை குறித்த விவரங்கள் இன்னும் ஐசிசி கவுன்சிலால் அதிகாரப்பூர்வமாக வெளியிடப்படவில்லை.
