வெஸ்ட் இண்டீஸ் அணி பெற்ற வெற்றியைத் தொடர்ந்து, தொடர்ந்து மேன் ஆஃப் தி மேட்ச் விருதுகளை வெல்வது மற்றும் இந்த ஆட்டத்தில் சதம் அடித்தது குறித்து அந்த அணியின் ஷாய் ஹோப் விரிவாகப் பேசி இருக்கிறார்.
இந்த போட்டியில் ஆரம்பத்திலேயே சிறந்த தொடக்கம் அமைத்துக் கொடுத்தது அணியின் வெற்றிக்கு பெரிதும் உதவியாக இருந்ததுடன், ஆடுகளத்தின் தன்மையை உணர்ந்து விளையாடியதும் சாதகமாக அமைந்தது.
போட்டியின் முதல் பாதியில் வெஸ்ட் இண்டீஸ் அணி எடுத்த ரன்கள் போதுமானதா என்பது குறித்து பார்க்கும்போது, ஆரம்பத்தில் எதிர்பார்த்ததை விட பிட்ச் சற்று பிடிபட்டு வந்ததால் 240 ரன்களுக்கு மேல் எடுத்தது ஒரு நல்ல ஸ்கோராகவே கருதப்பட்டது.
தொடர்ந்து விருதுகள் வெல்வது மற்றும் தனது சதத்தைப் பற்றி ஷாய் ஹோப் பேசும்போது “உண்மையைச் சொல்வதானால் அந்த மேன் ஆஃப் தி மேட்ச் விருதுகள் சற்று கனமாக இருக்கின்றன, நாம் லக்கேஜ் எடையைக் கவனிக்க வேண்டும். அதனால் அந்த விருதுகளுடன் நான் வீட்டிற்குத் திரும்பும்போது சில பிரச்சனைகள் வரும் என்று நினைக்கிறேன். அணிக்கு சிறந்த வாய்ப்பை ஏற்படுத்திக் கொடுக்கவே முயல்கிறேன், நாம் ஆரம்பத்தில் 50 ரன்களுக்கு மேல் ஓபனிங் பார்ட்னர்ஷிப் அமைத்து அடித்தளத்தை அமைத்துவிட்டதால் மிடில் ஓவர்களில் மேலும் சிறப்பாக விளையாட முடிந்தது” என்று கூறி இருக்கிறார்.
மேலும் ஆடுகளத்தின் தன்மை பற்றி பேசும்போது “ஆரம்பத்தில் நினைத்ததை விட மேற்பரப்பு சற்று பிடிபட்டதால் 240 பிளஸ் என்பது நல்ல ஸ்கோர் என்றுதான் உணர்ந்தேன். புதிய பந்தில் சில பந்துகள் அதிகமாக கிக் ஆகின, சில பந்துகள் கீழே தங்கிச் சென்றன. அதனால் தொடக்கத்தில் டூ பேஸ் ஆக இருந்ததுடன், இறுதியில் ஸ்பின்னர்கள் மற்றும் குயிக்கர்கள் பந்துவீச்சில் லைனில் சென்று அடிப்பது கடினமாக இருந்தது” என்று கூறி முடித்து இருக்கிறார்.