இந்திய அணியின் நட்சத்திர ஆல்-ரவுண்டர் ரவீந்திர ஜடேஜாவின் திறமை மற்றும் பேட்டிங், பௌலிங் பெர்ஃபார்மன்ஸ் குறித்து இங்கிலாந்து அணியின் முன்னாள் கேப்டன் ஜாஃப்ரி பாய்காட் பாராட்டி பேசியிருக்கிறார்.
நவீன கிரிக்கெட்டின் ஃபேப் 4 பிளேயர்களான விராட் கோலி, ஜோ ரூட், கேன் வில்லியம்சன் மற்றும் ஸ்டீவ் ஸ்மித் ஆகியோரை விடவும் ரவீந்திர ஜடேஜா தான் தனக்கு மிகவும் பிடித்தமான பிளேயர் என்று ஜாஃப்ரி பாய்காட் தெரிவித்துள்ளார்.
இந்திய அணியில் மூத்த வீரராக இருக்கும் ஜடேஜா, அனைத்து ஃபார்மட்டுகளிலும் தொடர்ந்து தனது தரமான ஆட்டத்தை வெளிப்படுத்தி அணிக்கு மிகப்பெரிய பலமாக விளங்குகிறார்.
கடந்த ஆண்டு இந்தியாவிற்கு வருகை தந்தபோது ஜடேஜாவை நேரில் சந்தித்த நிகழ்வையும் அவர் நினைவு கூர்ந்துள்ளார். ஜடேஜாவின் அபாரமான ஃபீல்டிங் மற்றும் பொறுப்பான பேட்டிங் அப்ரோச் ஆகியவை உலக கிரிக்கெட்டில் அவரை ஒரு தனித்துவமான ஆல்-ரவுண்டராக மாற்றியிருப்பதாக அவர் சுட்டிக்காட்டியுள்ளார்.
இதுகுறித்து ஜாஃப்ரி பாய்காட் பேசும்போது “ஜடேஜா மிகவும் அற்புதமாக பௌலிங் செய்கிறார், அவரின் ஃபீல்டிங் எலக்ட்ரிக் போல மிக வேகமாக இருக்கிறது, மேலும் பொறுப்புடன் பேட்டிங் செய்து ரன்களும் சேர்க்கிறார்.
நான் கடந்த ஆண்டு இந்தியாவிற்கு வந்தபோது அவரை நேரில் சந்தித்து நீங்கள்தான் எனது ஃபேவரிட் கிரிக்கெட்டர் என்று கூறினேன், அதைக்கேட்டு அவர் ஆச்சரியப்பட்டார்” என்று கூறி இருக்கிறார்.
