உலக கோப்பை குவாலிபயர் மற்றும் ஐக்கிய அரபு அமீரகத்துடன் நடக்கும் ஒருநாள் தொடரில் பங்கேற்கும் அணிகளை அறிவித்துள்ளது வெஸ்ட் இண்டீஸ் அணி நிர்வாகம்.
இந்த வருடம் அக்டோபர் மற்றும் நவம்பர் மாதங்களில் 50 ஓவர் உலகக்கோப்பை தொடர் இந்தியாவில் நடைபெறுகிறது. இதற்கு முன்பு இந்தியாவுடன் இணைந்து வேறு சில நாடுகள் தொடரை நடத்தின. இந்த வருடம் முதல்முறையாக மொத்த தொடரும் இந்தியாவில் மட்டுமே நடக்கிறது.
அக்டோபர் 5ஆம் தேதி துவங்கி நவம்பர் 19ஆம் தேதி வரை இந்த தொடர் நடக்கும் என்று சில தகவல்கள் வந்தன. ஆனால் பிசிசிஐ இதற்கான அதிகாரப்பூர்வ அறிவிப்பை இன்னும் வெளியிடவில்லை.
இந்த வருட உலக கோப்பையில் மொத்தம் பத்து அணிகள் பங்கேற்கின்றன. அதில் எட்டு அணிகள் உறுதியாகிவிட்டது. மீதமுள்ள இரண்டு அணிகளுக்கு குவாலிஃபயர் சுற்று நடத்தப்பட உள்ளது. வருகிற ஜூன் 18ஆம் தேதி பதினெட்டாம் தேதி ஜிம்பாப்வே-இல் குவாலிபயர் சுற்று துவங்குகிறது.
குவாலிபயரில் மொத்தம் எட்டு அணிகள் விளையாடுகிறது. அதில் வெஸ்ட் இண்டீஸ் அணியும் ஒன்று. குவாலிபயர் சுற்றில் பங்கேற்கும் வெஸ்ட் இண்டீஸ் அணி வீரர்கள் பட்டியலை அறிவித்தது வெஸ்ட் இண்டீஸ் கிரிக்கெட் வாரியம்.
அத்துடன் 18ஆம் தேதி குவாலிபயர் சுற்றுக்கு முன்னர், ஜூன் மாதம் 5, 7 மற்றும் 9 ஆகிய தேதிகளில் ஐக்கிய அரபு அமீரக அணிக்கு எதிராக மூன்று ஒருநாள் போட்டிகள் கொண்ட தொடரில் வெஸ்ட் இண்டீஸ் அணி விளையாடுகிறது. இதற்கான அணியையும் அறிவித்துள்ளது.
வெஸ்ட் இண்டீஸ் அணியின் முக்கிய வீரர்கள் சிலர் ஐபிஎல் தொடரின் விளையாடி வருவதால் ஐக்கிய அரபு அமீரக அணிக்கு எதிரான தொடரில் அவர்கள் பங்கேற்கவில்லை. ஆகையால் வெஸ்ட் இண்டீஸ் அணிக்கு இதுவரை விளையாடாத நான்கு வீரர்கள் புதிதாக சேர்க்கப்பட்டிருக்கின்றனர்.
ஐசிசி கிரிக்கெட் உலகக்கோப்பை தகுதிச் சுற்றுக்கான வெஸ்ட் இண்டீஸ் அணி:
ஷாய் ஹோப் (கேப்டன்), ரோவ்மேன் பவல் (துணைகேப்டன்), ஷமர் ப்ரூக்ஸ், யானிக் கரியா, கீசி கார்டி, ரோஸ்டன் சேஸ், ஜேசன் ஹோல்டர், அகேல் ஹோசைன், அல்சாரி ஜோசப், பிராண்டன் கிங், கைல் மேயர்ஸ், குடாகேஷ் மோதி, கீமோ பால், நிக்கோலஸ் பூரன், ரொமாரியோ ஷெப்பர்ட்.
ஐக்கிய அரபு எமிரேட்ஸ் ஒருநாள் போட்டிகளுக்கான வெஸ்ட் இண்டீஸ் அணி:
ஷாய் ஹோப் (கேப்டன்), பிராண்டன் கிங் (துணைகேப்டன்), அலிக் அதானாஸ், ஷமர் ப்ரூக்ஸ், யானிக் கரியா, கீசி கார்டி, ரோஸ்டன் சேஸ், டொமினிக் டிரேக்ஸ், கவேம் ஹாட்ஜ், அகீம் ஜோர்டான், குடகேஷ் மோட்டி, கீமோ பால், ரேமன் ரீஃபர், ஒடியன் தாமஸ், டெவோன் தாமஸ்,
