தற்போது கர்நாடகா கிரிக்கெட் அசோசியேஷன் நடத்தும் மகாராஜா டி20 லீக் நடைபெற்று வருகிறது. இந்தத் தொடரில் நேற்றைய போட்டியில் மைசூர் வாரியர்ஸ் அணியை பெங்களூரு பிளாஸ்டர்ஸ் அணி மிகச் சிறப்பாக விளையாடி தோற்கடித்தது. மேலும் இரண்டாவது போட்டியிலும் ராகுல் டிராவிட் மகன் சமித் டிராவிட் ஏமாற்றினார்.
நேற்றைய போட்டி மழையின் காரணமாக 18 ஓவர்களாக குறைக்கப்பட்டது. மேலும் போட்டிக்கான டாசில் வெற்றி பெற்ற பெங்களூரு பிளாஸ்டர்ஸ் அணி முதலில் பேட்டிங்கை தேர்வு செய்தது. மைசூர் வாரியர்ஸ் அணியின் துவக்க ஆட்டக்காரர்கள் கார்த்திக் 12 பந்தில் 12 ரன்கள், அஜித் கார்த்திக் 10 பந்தில் 27 ரன்கள் எடுத்து ஆட்டம் இழந்தார்கள்.
பேட்டிங் வரிசையில் மூன்றாவது இடத்தில் வந்த கேப்டன் கருண் நாயர் 11 பந்தில் 14 ரன்கள், அடுத்து வந்த ராகுல் டிராவிட் மகன் 7 பந்தில் 7 ரன்கள் எடுத்தது அடுத்தடுத்து வெளியேறினார்கள். ஐந்தாவது இடத்தில் வந்த ஹர்ஷில் தர்மானி அதிரடியாக விளையாடி 32 பந்தில் 50 ரன்கள் எடுத்தார்.
இதைத் தொடர்ந்து ஆர்சிபி அணிக்காக விளையாடும் மிதவேக பந்து வீச்சு ஆல் ரவுண்டர் மனோஜ் பாண்டேஜ் இறுதிவரை ஆட்டம் இழக்காமல் 5 பவுண்டரி மற்றும் 3 சிக்ஸர்கள் உடன் 33 பந்தில் 58 ரன்கள் எடுத்தார். இவரை கர்நாடகாவின் ஹர்திக் பாண்டியா என்று கூறுகிறார்கள். 18 ஓவர்கள் முடிவில் மைசூர் வாரியர்ஸ் அணி 6 விக்கெட் இழப்புக்கு 182 ரன்கள் எடுத்தது. பெங்களூரு பிளாஸ்டர்ஸ் பந்துவீச்சில் ஞானேஸ்வர் நவீன் நான்கு விக்கெட் கைப்பற்றினார்.
இதைத் தொடர்ந்து இலக்கை நோக்கி விளையாடிய பெங்களூரு பிளாஸ்டர்ஸ் அணிக்கு எல்லா வீரர்களும் சராசரியான ஒத்துழைப்பை கொடுத்தார்கள். துவக்க ஆட்டக்காரர் எல்ஆர்.சேத்தன் 25பந்தில் 33 ரன்கள், மூன்றாவது இடத்தில் வந்த புவன் ராஜு 24 பந்தில் 51 ரன்கள், நான்காவது இடத்தில் வந்த சூரஜ் அகுஜா 18 பந்தில் 19 ரன்கள் என அதிரடியாக எடுத்தார்கள்.
இதையும் படிங்க : 144 ரன் 10 விக்கெட்.. 2வது நாளிலே தோல்வியை நோக்கி வெஸ்ட் இண்டீஸ்.. திரும்பி வந்த தென் ஆப்பிரிக்கா அணி
இறுதியாக பெங்களூரு பிளாஸ்டர்ஸ் அணி 17.1 ஓவரில் ஆறு விக்கெட் இழப்புக்கு இலக்கை எட்டி நான்கு விக்கெட் வித்தியாசத்தில் மைசூர் வாரியர்ஸ் அணியை வென்றது. கேப்டன் மற்றும் அனுபவ வீரர் மயங்க் அகர்வால் 1 ரன்னில் வெளியேறிய போதும், பெங்களூர் பிளாஸ்டர்ஸ் இளம் வீரர்கள் சிறப்பாக விளையாடி அணியை வெற்றி பெற வைத்திருக்கிறார்கள்.
