ஆண்டர்சன்-டெண்டுல்கர் டிராபி தொடரின் போது இந்திய மற்றும் இங்கிலாந்து வீரர்களுக்கு இடையே பல முறை மோதல்கள் ஏற்பட்டுள்ளன. லண்டனில் உள்ள லார்ட்ஸ் மைதானத்தில் நடைபெற்ற மூன்றாவது டெஸ்ட் போட்டியில், இரு அணிகளுக்கு இடையே பல முறை வார்த்தைப் போர்கள் நடந்தன.
மூன்றாம் நாளின் இறுதியில், இங்கிலாந்து தொடக்க ஆட்டக்காரர்களான ஸாக் க்ராலி மற்றும் பென் டக்கட் ஆகியோர் டெஸ்ட் போட்டியில் நேரத்தை வீணடிக்க முயன்றபோது, ஷுப்மன் கில் அவர்களுக்கு கடுமையாக பதிலளித்தார். முகமது சிராஜும் தொடக்க ஆட்டக்காரர்களுடன் கடுமையான வாக்குவாதத்தில் ஈடுபட்டார்.
ஸ்டோக்ஸ் பேச்சு:
நான்காவது டெஸ்ட் போட்டிக்கு முன்னதாக, மான்செஸ்டரில் செய்தியாளர்களை சந்திப்பில், பென் ஸ்டோக்ஸ் ஈடுபட்டார். அப்போது பேசிய அவர்,இது போன்ற நீண்ட தொடர்களில் பதற்றமான தருணங்கள் ஏற்படுவது இயல்பு என்று கூறினார். இரு அணிகளும் மிகுந்த அழுத்தத்தில் உள்ளதால், சில நேரங்களில் அது மைதானத்தில் அவர்களின் நடத்தையை பாதிக்கிறது என்றும் அவர் கூறினார்.
“இது ஒரு விஷயத்தை நாங்கள் வேண்டுமென்றே தொடங்கி விடுவோம் என்று நான் நினைக்கவில்லை. எந்த அணியும் அப்படி செய்ய நினைப்பதில்லை என்று நினைக்கிறேன். ஒரு டெஸ்ட் தொடரில் எப்போதாவது ஒரு தருணத்தில் பதற்றம் அதிகரிக்கும், இது ஒரு முக்கியமான தொடர்,” என்று ஸ்டோக்ஸ் கூறினார்.
பதிலடி கொடுப்போம்:
“இரு அணிகளுக்கும் சிறப்பாக செயல்பட வேண்டிய அழுத்தம் அதிகமாக உள்ளது. ஆகவே, மைதானத்தில் இருக்கும் சூழல் காரணமாக, சில தருணங்களில் பதற்றம் தெரியும். ஸாக் மற்றும் பென் ஆகியோர் களத்திற்கு செல்ல வேண்டியிருந்தபோது அந்த மோதல் தொடங்கியது, மேலும் டெஸ்ட் போட்டியை வெல்ல கடைசியாக பந்து வீசுவதற்கு எங்களுக்கு நன்மையாக அமைந்தது.”
“எனவே, நாங்கள் இந்தியாவுக்கு எதிராக எங்கள் திறமைகளை மட்டுமல்ல, மைதானத்தில் எங்கள் ஆற்றலையும் முழுமையாக வெளிப்படுத்தினோம். அது ஒரு அணியாக ஒரு சிறப்பான தருணம் என்று நினைக்கிறேன். இது போன்ற ஒரு விஷயத்தைப் பற்றி பேசும்போது, எல்லோரும் அதில் ஈடுபடுகிறார்கள்.”
இதையும் படிங்க: ரிஷப் பண்ட் விளையாடுவாரா? மாட்டாரா? அறிவிப்பை வெளியிட்ட சுப்மன் கில்
” நாங்கள் மீண்டும் வேண்டுமென்றே ஸ்லேஜ்ஜிங் தொடங்கப் போவதில்லை, ஏனெனில் அது எங்கள் கவனத்தை மைதானத்தில் செய்ய வேண்டியவற்றிலிருந்து திசை திருப்பிவிடும். ஆனால், எதிரணி எங்களை நோக்கி மோதல் தொடுக்க முயன்றால், நாங்கள் பின்வாங்க மாட்டோம், சிறிது பதிலடி கொடுக்க முயற்சிப்போம். இது பெரும்பாலான அணிகளுக்கும் பொருந்தும் என்று நினைக்கிறேன், ஆகவே இதைச் செய்யும் ஒரே அணி நாங்கள் மட்டுமல்ல,” என்று ஸ்டோக்ஸ் கூறினார்.
