தற்போது உலக டெஸ்ட் கிரிக்கெட்டில் பாஸ்பால் என்கின்ற வார்த்தை பல பேரால் உச்சரிக்கப்படும் பரபரப்பான ஒரு வார்த்தையாக மாறி இருக்கிறது. மேலும் அந்த வார்த்தை உற்சாகம் தரக்கூடியதாகவும் சுவாரசியமானதாகவும் இருக்கிறது.
இங்கிலாந்து டெஸ்ட் அணி பென் ஸ்டோக்ஸ் தலைமையில் மற்றும் மெக்கலம் பயிற்சியில் அதிரடியான முறையில் விளையாடி வருகிறது. இதில் ஒரு சிறப்பு என்னவென்றால், பொதுவாக உலக டெஸ்ட் கிரிக்கெட் அணிகளில் ஏதாவது ஒரு வீரர் அதிரடியாக விளையாடுவார், ஆனால் இங்கு மொத்த அணியும் விளையாடுகிறது. மேலும் பந்துவீச்சு ஃபீலிங் இரண்டுமே அதே அதிரடியான முறையில் அமைந்திருக்கிறது.
உதாரணமாக பந்தை அதிகம் வெளியில் வீசி பேட்ஸ்மேன் செட் பண்ணுகிறேன் என்று இங்கிலாந்து இப்பொழுது செய்வதில்லை. அவர்கள் நேராக பேட்ஸ்மேன் தாக்கி ரன்கள் போனாலும் பரவாயில்லை என்று பந்து வீசுகிறார்கள். அதேபோல் ஒரு ரன்னை தடுப்பதாக இருந்தாலும் கூட வெள்ளைப்பந்து கிரிக்கெட்டில் வெளிப்படுத்தக்கூடிய முயற்சியை தருகிறார்கள். இதனால் தலையில் காயம்பட்டு ஜாக் லீச் கிரிக்கெட் விளையாட முடியாமல் இருந்து திரும்பி இருக்கிறார் என்பது குறிப்பிடத்தக்கது.
இப்படி அதிரடியான முறையில் இங்கிலாந்து அணியால் விளையாடப்படும் டெஸ்ட் கிரிக்கெட் முறைக்கு பாஸ்பால் என பெயரிடப்பட்டிருக்கிறது. இங்கிலாந்தின் தற்போதைய பயிற்சியாளர் பிரண்டன் மெக்கலம் சக வீரர்களால் பாஸ் என அழைக்கப்படுகிறார். இதனால் அவரது பெயராலே பாஸ்பால் என இந்த முறை அழைக்கப்படுகிறது.
பொதுவாக டெஸ்ட் கிரிக்கெட் மந்தமான முறையில் சலிப்பு தருகின்ற வகையில் விளையாடப்படுவது என கிரிக்கெட் ரசிகர்களால் நினைக்கப்படுவதுண்டு. பல கிரிக்கெட் ரசிகர்களுக்கு அதற்குள் இருக்கும் நுட்பங்கள் மற்றும் திட்டங்கள் தெரியாது. மேலும் t20 கிரிக்கெட் வருகையால் டெஸ்ட் கிரிக்கெட்டுக்கு ரசிகர்களிடையே ஆதரவும் குறைந்து வந்தது.
இப்படியான நிலையில்தான் இங்கிலாந்து அதிரடியான முறையில் டெஸ்ட் கிரிக்கெட்டை விளையாட, இங்கிலாந்தை தாண்டியும் இந்தக் டெஸ்ட் கிரிக்கெட் அணுகுமுறைக்கு ரசிகர்கள் உருவாக ஆரம்பித்திருக்கிறார்கள். இது தற்காலத்தில் இங்கிலாந்து அணியின் வெற்றியாக பார்க்கப்படுகிறது.
இதையும் படிங்க : அஸ்வின் பந்துவீச்சில் செய்திருக்கும் புது மாற்றம்.. கிரிக்கெட் வர்ணனையாளர்கள் வியப்பு
இந்த பாஸ்பால் முறை குறித்து தற்போது பேசி உள்ள பென் ஸ்ட்ரோக்ஸ் கூறும் பொழுது “பாஸ்பால் என்பது மீடியாக்களால் உருவாக்கப்பட்ட ஒரு வார்த்தை. நாங்கள் எப்பொழுதும் இதிலிருந்து விலகி இருக்கவே விரும்புகிறோம். எங்களுடைய பாஸ் மெக்கலம் இதை வெறுக்கிறார். இந்த வார்த்தை எப்பொழுதெல்லாம் உச்சரிக்கப்படுகிறது, அப்பொழுதெல்லாம் நாங்கள் டெஸ்ட் கிரிக்கெட் எப்படி விளையாடுவது என்பதில்தான் கவனம் செலுத்துகிறோம்” என்று கூறியிருக்கிறார்.
