ஆசிய கோப்பை 2025 சூப்பர் ஃபோர் போட்டியில் பாகிஸ்தானுக்கு எதிரான ஆட்டத்தில் இந்திய அணி அர்ஷ்தீப் சிங்கை பிளேயிங் லெவனில் சேர்க்குமா என்று முன்னாள் இந்திய வீரர் இர்ஃபான் பதான், கேள்வி எழுப்பியுள்ளார். தாம் முடிவு எடுக்கும் இடத்தில், இடது கை வேகப்பந்து வீச்சாளரை ஆட வைப்பேன் என்று கூறிய முன்னாள் இந்திய ஆல்-ரவுண்டர், பதான் தெரிவித்தார்.
இந்தியா மற்றும் பாகிஸ்தான் அணிகள் ஆசிய கோப்பை 2025 சூப்பர் ஃபோர் இரண்டாவது ஆட்டத்தில் ஞாயிற்றுக்கிழமை, செப்டம்பர் 21 அன்று துபாயில் மோதவுள்ளன. முதல் சூப்பர் ஃபோர் ஆட்டத்தில் வங்கதேசம், இலங்கையை நான்கு விக்கெட்டுகள் வித்தியாசத்தில் துபாயில் தோற்கடித்தது.
இர்பான் பதான் கேள்வி:
இது குறித்து பேசிய இர்பான் பதான், “நான் முன்பு ஆசிய கோப்பை தொடங்குவதற்கு முன் கூறியதை உறுதியாக கடைப்பிடிப்பேன். அர்ஷ்தீப், பும்ராவுடன் ஆட வேண்டும் என்று விரும்புகிறேன். ஏனெனில் இரண்டாவது வேகப்பந்து வீச்சாளர் தேவைப்படும் சூழ்நிலை வரலாம். பந்து ஈரமாகி, அழுத்தம் அதிகரிக்கும் போது, ஹர்திக் ஆறு யார்க்கர்களை வீசுவதில் வலிமையானவரா, அல்லது ஷிவம் துபே தொடர்ந்து யார்க்கர்களை வீச முடியுமா?” என்று அவர் பதிலளித்தார்.
“அங்கு ஒரு கேள்வி இருக்கும். அதனால், அர்ஷ்தீப்பைப் பற்றி சிந்திக்க முடியுமா? இருப்பினும், வெற்றி பெற்று வரும் அணியை மாற்றுவது கடினம். ஒரு பேட்ஸ்மேனை குறைவாக ஆட வைக்கவும் விரும்ப மாட்டார்கள். இது ஒரு கடினமான முடிவு. நான் வேறு விதமாக செய்திருப்பேன். ஆனால் அணி வேறு விதமாக சிந்திக்கிறது,” என்று முன்னாள் இந்திய இடது கை வேகப்பந்து வீச்சாளர் மேலும் கூறினார்.
அபிசேக் நாயர் கருத்து:
அர்ஷ்தீப் சிங், பாகிஸ்தானுக்கு எதிரான இந்தியாவின் ஏழு விக்கெட் வெற்றியில் பிளேயிங் லெவனில் இடம்பெறவில்லை. அவர், செப்டம்பர் 19 அன்று அபுதாபியில் ஓமானுக்கு எதிரான கடைசி குரூப் ஆட்டத்தில் 4 ஓவர்களில் 1/37 என்ற பந்துவீசி ஜொலித்தார். “அர்ஷ்தீப்புடன் ஆடுவார்களா அல்லது மற்றொரு பேட்ஸ்மேனை சேர்ப்பார்களா என்பதைப் பார்க்க வேண்டும்” இது குறித்து பேசிய அபிஷேக் நயார், அதே விவாதத்தில், முன்னாள் இந்திய ஆல்-ரவுண்டர் அபிஷேக் நயாரிடம், இந்திய அணி ஆசிய கோப்பை 2025 இல் முதல் இரண்டு ஆட்டங்களில் ஆடிய அதே அணியுடன் ஆடுமா என்று கேட்கப்பட்டது.
“அப்படித்தான் தோன்றுகிறது. வருண் சக்ரவர்த்தி திரும்புவார். அந்த ஒரு மாற்றத்தை நிச்சயமாக பார்ப்பீர்கள். இருப்பினும், அர்ஷ்தீப்புடன் ஆடுவார்களா அல்லது மற்றொரு பேட்ஸ்மேனை சேர்ப்பார்களா என்பதைப் பார்க்க வேண்டும். என் கருத்துப்படி, முன்பு ஆடிய அதே அணியுடன் ஆடுவார்கள். பெரிய மாற்றங்களைப் பார்க்க முடியாது,” என்று அவர் பதிலளித்தார்.
இதையும் படிங்க:
“துபாயில் சுழற்பந்து வீச்சாளர்கள் தாக்கத்தை ஏற்படுத்தியுள்ளனர். பும்ரா திரும்புவார், நன்றாக பந்து வீசி வரும் ஹர்திக் இருக்கிறார். எனவே, மூன்றாவது வேகப்பந்து வீச்சாளர் தேவையா? துபே இதுவரை மோசமாக பந்து வீசவில்லை. அவர் தனது பங்கை ஆற்றியுள்ளார். அவர் நிச்சயமாக ஒரு அல்லது இரண்டு ஓவர்கள் வீசுவார். எனவே, அணியின் ஒட்டுமொத்த அமைப்பைப் பார்க்கும்போது, இந்த நிலைமைகளுக்கு இது சரியாக உள்ளது,” என்று நயார் தெரிவித்தார்.
