நியூசிலாந்து அணிக்கு எதிரான முதல் டி20 போட்டியில் இந்திய அணியின் நட்சத்திர பேட்டர் சஞ்சு சாம்சன் வெளிப்படுத்திய அதிரடி ஆட்டம் மற்றும் அவர் மீது வைக்கப்படும் விமர்சனங்கள் குறித்து முன்னாள் கிரிக்கெட் வீரர் ஆகாஷ் சோப்ரா தனது யூடியூப் சேனலில் பல முக்கிய கருத்துக்களைப் பகிர்ந்துள்ளார்.
நியூசிலாந்து அணிக்கு எதிரான இந்தப் போட்டியில் ஓப்பனிங்கில் களமிறங்கிய சஞ்சு சாம்சன் மிகச் சிறப்பான ஆட்டத்தை வெளிப்படுத்தி அணியின் வெற்றிக்கு வலுவான அடித்தளம் அமைத்துக் கொடுத்தார். அவர் வெறும் 33 பந்துகளில் 8 ஃபோர்கள் மற்றும் 4 சிக்சர்கள் உள்பட 67 ரன்கள் குவித்து எதிரணி பந்துவீச்சை துவம்சம் செய்தார்.
சஞ்சு சாம்சனின் ஃபார்ம் மற்றும் அவரைச் சுற்றியுள்ள விமரிசனங்கள் குறித்து ஆகாஷ் சோப்ரா கடுமையாகப் பேசும்போது, “முன்பு சஞ்சு சாம்சனுக்கு நீதி வேண்டும் என்று குரல் கொடுத்தவர்கள், இப்போது அவரை அணியிலிருந்து நீக்க வேண்டும் என்கிறார்கள்; இது என்ன மாதிரியான போக்காக இருக்கிறது? தற்போது சிலர் இது முழுக்க முழுக்க பாரபட்சம் மற்றும் ஒருதலைப்பட்சமானது என்றும் கூறுகிறார்கள்; ஆனால், அவர் தனது கடந்த 20 இன்னிங்ஸ்களில் அடிக்கும் 8வது அரைசதம் இதுவாகும்” என்று சுட்டிக்காட்டினார்.
அவர் மேலும் பேசும்போது, “சஞ்சு சாம்சனை விமர்சிப்பவர்கள் யாராக இருந்தாலும், தற்போதைக்கு தயவுசெய்து உங்கள் விரல்களை உதடுகளின் மீது வையுங்கள், இனி எந்தவிதமான பேச்சும் வேண்டாம்; அவர் மிகச் சிறப்பாக பேட்டிங் செய்து வருகிறார், நாமும் அவரைப் போன்ற வீரர்களிடம் சற்று பொறுமையாக நடந்து கொள்ள வேண்டும்” என்று கூறி இருக்கிறார்
