முன்னாள் கிரிக்கெட் வீரரும் 1983 உலகக் கோப்பை வெற்றியாளருமான கிரிஸ் ஸ்ரீகாந்த், ஆஸ்திரேலியாவுக்கு எதிரான முதல் ஒருநாள் போட்டிக்கு முன்னதாக தனது இந்திய அணி லெவனைத் தேர்ந்தெடுத்தார். இந்தப் போட்டி அக்டோபர் 19 ஞாயிற்றுக்கிழமை பெர்த்தில் நடைபெற உள்ளது.
இந்திய அணி ஆஸ்திரேலியாவில் மூன்று போட்டிகள் கொண்ட ஒருநாள் தொடரில் விளையாட உள்ளது. இந்தத் தொடருக்கு முன்னதாக சுப்மன் கில் புதிய ஒருநாள் அணி கேப்டனாக நியமிக்கப்பட்டார். இந்தத் தொடர், மூத்த வீரர்களான ரோஹித் ஷர்மா மற்றும் விராட் கோலி ஆகியோரின் சர்வதேச கிரிக்கெட்டுக்கு திரும்பியுள்ளனர்.
ஸ்ரீகாந்தின் பேட்டிங் வரிசை:
ஸ்ரேயாஸ் ஐயர் துணைக் கேப்டனாக நியமிக்கப்பட்டு அணியில் இடம்பெற்றார். இந்த நிலையில் ஸ்ரீகாந்த், தனது முதல் நான்கு இடங்களில் ரோஹித் ஷர்மா, ஷுப்மன் கில், விராட் கோலி, ஸ்ரேயாஸ் ஐயர் ஆகியோரையும், ஐந்தாவது இடத்தில் விக்கெட் கீப்பர் பேட்ஸ்மேனாக கே.எல்.ராகுலையும் தேர்ந்தெடுத்தார்.
பின்னர், ஸ்ரீகாந்த் மூன்று ஆல்-ரவுண்டர்களை உள்ளடக்கி ஒரு சுவாரஸ்யமான தேர்வு செய்தார். நிதிஷ் குமார் ரெட்டி, அக்ஸர் படேல் மற்றும் வாஷிங்டன் சுந்தர் ஆவார்கள்.அவர் தனது இந்திய அணியை குல்தீப் யாதவ், முகமது சிராஜ் மற்றும் பிரசித் கிருஷ்ணாவுடன் முடித்தார். அர்ஷ்தீப் சிங் மற்றும் ஹர்ஷித் ராணா போன்றவர்களை அவர் அணியில் சேர்க்கவில்லை.
இது குறித்து பேசிய அவர், “போக்கைப் பார்த்தால், அவர்கள் எட்டு பேட்ஸ்மேன்களுடன் விளையாடுகிறார்கள். எட்டாவது இடத்தில் உள்ளவரும் பேட்டிங் செய்ய வேண்டும். எட்டு வரை பேட்டிங் என்று நினைத்தால், வாஷிங்டன் சுந்தர் தானாகவே தேர்வாக வேண்டும். நான் இன்னும் சுந்தரை எட்டாவது இடத்தில் வைப்பேன்.”
3 ஸ்பின்னர்கள் வேண்டும்:
“குல்தீப் ஒன்பதாவது, பத்து மற்றும் பதினொன்றாவது இடங்களில் சிராஜ் மற்றும் பிரசித் கிருஷ்ணா இருப்பார்கள். நிதிஷை மூன்றாவது வேகப்பந்து வீச்சாளராகப் பயன்படுத்துவேன். மேலும் மூன்று ஸ்பின்னர்களுடன் செல்வேன். ஒருவேளை ஆடுகளம் வேகப்பந்துவீச்சுக்கு சாதகமாக இருந்தால், ஜோஷ் ஹேசல்வுட், மிட்செல் ஸ்டார்க் போன்ற அனுபவமிக்க வேகப்பந்து வீச்சாளர்கள் உள்ளனர்.”
“பும்ரா இல்லாதது பெரிய இழப்பாக இருக்கும். எனவே நாம் சிராஜ் மற்றும் பிரசித்தை நம்பியிருக்க வேண்டும். குல்தீப்பை விட முடியாது. குல்தீப்பை விடுத்து வாஷிங்டனை விளையாட வைப்போம் என்று சொன்னால், அது குல்தீப்புக்கு நியாயமாக இருக்காது. நான் கேப்டனாக இருந்தால், சிராஜ், குல்தீப், வாஷிங்டன் மற்றும் பிரசித்துடன் விளையாடுவேன்” என்று அவர் கூறினார்.
“அர்ஷ்தீப் எந்தத் தவறும் செய்யவில்லை, ஆனால் பிரச்சனை அணியின் கலவையில் உள்ளது. அர்ஷ்தீப்புக்கு மேல் பிரசித் ஏன் இல்லை? இது டி20 இல்லை, இது ஒருநாள் போட்டி. பிரசித் ஆஸ்திரேலிய ஆடுகளங்களில் கூடுதல் பவுன்ஸ் பெற முடியும்,” என்று ஸ்ரீகாந்த் கூறினார்.
இதையும் படிங்க: இந்தியா, ஆஸ்திரேலியா ஒருநாள், டி20 தொடர்.. நேரம், அட்டவணை விவரம்.. ஜியோவில் பார்க்க என்ன பிளான்?
ஸ்ரீகாந்தின் ஆஸ்திரேலியாவுக்கு எதிரான முதல் ஒருநாள் போட்டிக்கான இந்திய அணி ரோஹித் ஷர்மா, ஷுப்மன் கில் (கேப்டன்), விராட் கோலி, ஷ்ரேயாஸ் ஐயர் (துணைக் கேப்டன்), கே.எல்.ராகுல் (விக்கெட் கீப்பர்), அக்ஸர் படேல், நிதிஷ் குமார் ரெட்டி, வாஷிங்டன் சுந்தர், குல்தீப் யாதவ், முகமது சிராஜ், பிரசித் கிருஷ்ணா.
