வெஸ்ட் இண்டீஸ் அணிக்கு எதிரான ஒருநாள் கிரிக்கெட் தொடர் நடைபெற்று வரும் நிலையில், இந்திய ஸ்பின் பௌலர் குல்தீப் யாதவுக்கு தொடர்ச்சியான வாய்ப்புகள் வழங்கப்படாதது குறித்து முன்னாள் வீரர் ஹனுமா விகாரி தனது அதிருப்தியை வெளிப்படுத்தி பேசி இருக்கிறார்.
இந்திய ஒருநாள் அணியில் தொடர்ந்து சிறப்பாக செயல்பட்டு விக்கெட்டுகளை வீழ்த்தி வரும் போதிலும், குல்தீப் யாதவ் அடிக்கடி அணியில் இருந்து கழற்றி விடப்படுவது குறித்து கிரிக்கெட் வட்டாரத்தில் விவாதங்கள் எழுந்து வருகின்றன.
குறிப்பாக, பெரிய தொடர்களுக்கு முன்பாக அனைத்து போட்டிகளிலும் விளையாடும் வாய்ப்பை வழங்கினால் மட்டுமே ஒரு பௌலரால் தனது ஃபார்மை தக்க வைத்துக் கொள்ள முடியும் என்று கிரிக்கெட் வல்லுநர்கள் கருத்து தெரிவித்து வருகின்றனர்.
இதுகுறித்து ஹனுமா விகாரி பேசும்போது “அவருக்கு ஏன் தொடர்ச்சியான வாய்ப்புகள் வழங்கப்படுவதில்லை என்பது எனக்கு புரியவில்லை. இந்திய அணிக்கான ஒரு சிறந்த விக்கெட் டேக்கிங் பௌலராக இருக்கும் ஒருவருக்கு அணி நிர்வாகம் தொடர்ந்து ஆதரவு அளிக்க வேண்டும்” என்று கூறி இருக்கிறார்.
தொடர்ந்து பேசிய அவர் “ஒரு சில மேட்ச்களில் மட்டும் வாய்ப்பளித்துவிட்டு உடனடியாக அணியை விட்டு நீக்குவது அந்த பிளேயரின் கான்ஃபிடன்ஸை பாதிக்கும். அடுத்தடுத்து வரும் தொடர்களில் அவருக்கு வாய்ப்பளித்தால் மட்டுமே அவர் தனது முழு திறமையையும் வெளிப்படுத்த முடியும். எனவே தேர்வாளர்கள் மற்றும் அணி நிர்வாகம் அவருக்கு கூடுதல் வாய்ப்புகளை வழங்கி ஸ்ட்ராங்காக செயல்பட உதவ வேண்டும்” என்று கூறி இருக்கிறார்.
