மெல்போர்னில் நடைபெற்ற இரண்டாவது டி20 போட்டியில் தோல்வியடைந்த இந்திய துணைக் கேப்டன் ஷுப்மன் கில் தடுமாறிய நிலையில், அவருக்கு ஆதரவாக
முன்னாள் தென்னாப்பிரிக்க கேப்டன் ஏபி டி வில்லியர்ஸ் பேசியுள்ளார். சுப்மன் கில், கடந்த சில போட்டிகளாக பேட்டிங்கில் மோசமான கால கட்டத்தை கடந்து வருகிறார்.
இரண்டாவது டி20 போட்டியில் 10 பந்துகளை எதிர்கொண்டு வெறும் 5 ரன்களுக்கு ஆட்டமிழந்தார். 26 வயதான கில், ஆஸ்திரேலியாவுக்கு எதிரான ஒருநாள் தொடரிலும் தோல்வியடைந்து, மூன்று இன்னிங்ஸ்களில் 10, 9, 24 ரன்கள் மட்டுமே எடுத்தார். அனைத்து முறையும் கில் கேட்ச் ஆகி ஆட்டமிழந்தார்.
இருப்பினும், கான்பெராவில் மழையால் கைவிடப்பட்ட முதல் டி20 போட்டியில் 20 பந்துகளில் 37 ரன்கள் விளாசினார். இது குறித்து பேசிய ஏபி டி வில்லியர்ஸ், “ஆஸ்திரேலியாவில் நல்ல விக்கெட்டுகள் உள்ளன. ஒருவேளை அவர் பவுன்ஸ் வகைக்கு முழுமையாக பழக்கப்படுத்தப்படாமல் இருக்கலாம்.”
“ஏதோ ஒன்று இருக்க வேண்டும், அல்லது அவர் வெறும் மனிதர்… ஷுப்மனிடம் ஒவ்வொரு நாளும் ரன்கள் எடுப்பார் என்று நாம் எதிர்பார்க்கிறோம். எனவே, சுப்மன் கில் அப்படிப்பட்ட ஒரு பேட்சை சந்திக்கிறார். அவர் அதை சரி செய்து கொள்வார். நண்பர்களே. அவர் உயர்தர வீரர், உயர்தர கேப்டன், அவர் திரும்ப வருவார் என்பதில் எனக்கு எந்த சந்தேகமும் இல்லை.”
” இது தொழில்நுட்பத்தை விட மனரீதியானது என்று நினைக்கிறேன். தொழில்நுட்பமாக இருந்தால், நெட்ஸில் சென்று சரி செய்து கொள்வார். ரிஃப்ளெக்ஸில் எந்த பிரச்சனையும் தெரியவில்லை. அவர் முன்னால் நிறைய கிரிக்கெட் உள்ளது. எதிர்நோக்க நிறைய உள்ளது. அவர் புத்துணர்ச்சியுடன் திரும்ப வேண்டும்” என்று அவர் டிவில்லியர்ஸ் கூறினார்.
இதையும் படிங்க: இந்திய அணி பேட்டிங் வரிசையில் மியூசிக் சேர் நடத்துகிறார் கம்பீர்.. தவறாக கையாளப்படும் வீரர்கள்.. தமிழக வீரர் புகார்
2025ஆம் ஆண்டு 9 டி20 போட்டிகளில் கில் வெறும் 169 ரன்கள் மட்டுமே எடுத்துள்ளார். இந்திய தொடக்க வீரரின் சராசரி 24.14 ஆனால், ஸ்ட்ரைக் ரேட் 148.25 வைத்திருக்கிறார். இதை தொடர்ந்து பேசிய ஸ்ரீகாந்த, அடுத்த மூன்று போட்டிகளுக்கு கில்லை டிராப் செய்ய மாட்டார்கள். அவர்கள் வேறு எதைப்பற்றியும் கவலைப்படவில்லை. அவர் டி20 உலகக் கோப்பைக்கான துணைக் கேப்டன், அது இப்போது உறுதியாகிவிட்டது. அவர் எதிர்கால டி20 கேப்டன் என்றும் உறுதியாகிவிட்டது என்று கூறினார்.