அனைத்து காலகட்டத்திற்கும் ஏற்ப தலைசிறந்த இலங்கை டெஸ்ட் அணி

0
1582
Marvan Atapattu and Chaminda Vaas

தற்பொழுது உள்ள இலங்கை அணி அவ்வளவு சிறப்பாக விளையாடவில்லை என்பது உண்மைதான். ஆனால் 1990 ஆம் ஆண்டுகளில் இலங்கை அணியின் டெஸ்ட் போட்டிகளில் ஆதிக்கம் செலுத்தி ஒரு அணியாக விளங்கியது. குறிப்பாக 2001 மற்றும் 2002ஆம் ஆண்டு களில் வரிசையாக 9 டெஸ்ட் போட்டியில் இலங்கை அணி வெற்றி பெற்று ஒரு சாதனை படைத்தது.

இந்திய அணிக்கு எதிராக இலங்கை அணி அடுத்த 952 ரன்கள்தான் இன்றுவரை அதிகபட்ச டெஸ்ட் ஸ்கோர் ஆகும். அதுமட்டுமின்றி பல வகையான சாதனைகளை இலங்கை அணி கொண்டிருக்கிறது. அப்படிப்பட்ட இலங்கை அணியில் விளையாடிய தலைசிறந்த 11 டெஸ்ட் வீரர்களைக் கொண்டு அனைத்து காலகட்டத்திற்கு ஏற்ப சிறந்த அணியை எதிர்கொண்ட தற்போது பார்ப்போம்.

ஓபனிங் வீரர்களாக சனத் ஜெயசூரியா மற்றும் மார்வன் அட்டப்பட்டு

Sanath Jayasuriya

ஜெயசூர்யா ஆரம்ப காலகட்டத்தில் ஒரு பந்துவீச்சாளராக விளையாடத் தொடங்கி அதன் பின்னர் ஒரு மிகப்பெரிய பேட்ஸ்மேனான கதை நமக்கு அவ்வளவாக தெரிந்திருக்க வாய்ப்பில்லை. அவர் முழு நேர பேட்ஸ்மேன் ஆனதும் டெஸ்ட் போட்டிகளில் 6973 ரன்கள் குவித்திருக்கிறார். அதில் ஒரு முச்சதம் அடங்கும். அதேசமயம் 98 டெஸ்ட் விக்கெட்டுக்களை தன் கைவசம் வைத்துள்ளார் என்பது குறிப்பிடத்தக்கது.

ஜெயசூர்யா ஒரு பக்கம் அதிரடியாக விளையாடினால் மறுபக்கம் அட்டப்பட்டு மிக நிதானமாக விளையாட கூடிய ஒரு வீரர். இலங்கை அணிக்காக டெஸ்ட் போட்டிகளில் அதிக ரன்கள் குவித்த 6 ஆவது வீரராக அவர் உள்ளார் என்பது குறிப்பிடத்தக்கது. மேலும் பழைய இலங்கை அணிக்கு அவர் கேப்டனாக இருந்தார் என்பதும் கவனிக்கத்தக்க விஷயமாகும்.

மிடில் ஆர்டரில் குமார் சங்கக்கார மஹேல ஜெயவர்தன அரவிந்த டி சில்வா மற்றும் அர்ஜுனா ரணதுங்கா

Mahela Jayawardene and Kumar Sangakkara
Photo: Getty Images

மிடில் ஆர்டரில் மூன்றாவது இடத்தில் விளையாடக்கூடிய ஒரு வீரர் குமார் சங்ககாரா மட்டுமே. இலங்கை அணிக்காக சுமார் பதினைந்து வருடங்கள் அவர் டெஸ்ட் போட்டிகளில் விளையாடி இருக்கிறார். டெஸ்ட் போட்டியில் அவர் மொத்தமாக 12,400 ரன்கள் குவித்திருக்கிறார். அதில் 38 சதங்களும், 52 அரை சதங்களும் அடங்கும்.

அவருக்கு அடுத்தபடியாக அவருடனேயே அதிக அளவில் இணைந்து விளையாடக்கூடிய உயிர் வீரர் மஹேல ஜெயவர்தன. இலங்கை அணியில் விளையாடிய வீரர்களில் ஜெயவர்தன அடித்த 374 ரன்கள் தான், இன்று வரை தனிப்பட்ட வீரராக அடிக்கப்பட்ட அதிகபட்ச டெஸ்ட் ஸ்கோர் ஆகும்.

இவர்களைத் தொடர்ந்து விளையாடக்கூடிய வீரர்கள் அரவிந்த டி சில்வா மற்றும் அர்ஜூன ரணதுங்கா. சில்வா டெஸ்ட் போட்டிகளில் 6363 ரன்கள் குவித்திருக்கிறார். டெஸ்ட் போட்டிகளில் இலங்கை அணிக்காக அதிகபட்ச ஸ்கோர் அடித்த வீரர்களில் 10 ஆவது வீரராக இவர் உள்ளார் என்பது குறிப்பிடத்தக்கது. மேலும் இவரது தலைமையில் 1996 ஆம் ஆண்டு இலங்கை அணி உலக கோப்பையை கைப்பற்றியது குறிப்பிடத்தக்கது.

ஆல்ரவுண்டர் வீரராக அஞ்சலோ மேத்யூஸ்

இலங்கை அணியில் விளையாடிய மிகப்பெரிய ஆல்ரவுண்டர் வீரர் என்று பார்த்தால் அது அஞ்சலோ மெத்யூஸ் மட்டுமே. இலங்கை அணிக்காக அடிக்கப்பட்ட டெஸ்ட் ரன்களில் ஐந்தாவது மிகச்சிறந்த வீரராக இவர் இருக்கிறார். மேலும் இவர் 90 போட்டிகளில் விளையாடி வெறும் இரண்டு போட்டியில் மட்டுமே டக் அவுட் ஆகி உள்ளார் என்பது குறிப்பிடத்தக்கது. பந்து வீச்சிலும் இவர் தற்போது வரை 33 விக்கெட்டுகளை கைப்பற்றி இருக்கிறார்.

பந்து வீச்சாளர்கள் ஆக சமிந்தா வாஸ், சுரங்க லக்மல், ரங்கனா ஹெராத் மற்றும் முத்தையா முரளிதரன்

Chaminda Vaas and Muralitharan

வேகப்பந்து வீச்சாளர்களை பொறுத்தவரையில் சமிந்தா வாஸ் மற்றும் சுரங்க லக்மால் இருவரும் இணைந்து மிக அற்புதமாக பந்துவீசி இருக்கின்றனர். டெஸ்ட் போட்டியில் சமிந்தா வாஸ் 355 விக்கெட்டுகளை கைப்பற்றி இருக்கிறார், அதேசமயம் பேட்டிங்கில் ஆயிரம் ரன்களுக்கு மேல் குவித்துள்ளார் என்பது குறிப்பிடத்தக்கது.

மறுப்பக்கம் சுரங்க லக்மல் 167 விக்கெட்டுகளை கைப்பற்றி இருக்கிறார். இலங்கை அணியைப் பொறுத்தவரையில் டெஸ்ட் போட்டிகளில் விளையாடிய தலைசிறந்த இரண்டு வேகப்பந்து வீச்சாளர்கள் இவர்கள் இருவர் மட்டுமே.

அதேசமயம் சுழற்பந்து வீச்சைப் பொறுத்தவரையில் இலங்கை அணிக்காக பல போட்டிகளில் விக்கெட்டுகளை வீழ்த்தி, அணியை வெற்றி பெறச் செய்த இரண்டு முக்கிய சுழற்பந்து வீச்சாளர் முத்தையா முரளிதரன் மற்றும் ரங்கன ஹேரத்.

இலங்கை அணிக்காக சுழற்பந்து வீச்சாளர்களை பொறுத்தவரையில் அதிக விக்கெட்டுகளை கைப்பற்றிய இரண்டு வீரர்கள் இவர்கள் மட்டுமே. இவர்கள் இருவரும் இணைந்து கைப்பற்றிய மொத்த விக்கெட்டுகள் எண்ணிக்கை 1233 ஆகும்.