தோனிக்காக ஏலத்துல இதை செய்யாதீங்க.. நல்ல பலன் தேவைப்பட்டால் இதை செய்யுங்க – அஸ்வின் அறிவுரை

0
0

ஐபிஎல் 2027 ஏலத்திற்கு முன்பு சென்னை சூப்பர் கிங்ஸ் (CSK) அணியின் முன்னாள் வீரரான ரவிச்சந்திரன் அஸ்வின் எம்.எஸ். தோனி குறித்துப் பேசியிருக்கிறார்.

​வரவிருக்கும் ஐபிஎல் ஏலத்தில் சிஎஸ்கே அணி தனது அணியை எப்படி கட்டமைக்க வேண்டும் என்பது குறித்துப் பேசிய அஸ்வின், ஒருவேளை தோனி விளையாடவில்லை என்றால் அவரை விடுவிப்பது குறித்து அணி நிர்வாகம் யோசிக்கலாம் என்று கூறியுள்ளார்.

- Advertisement -

மேலும், தோனியை விடுவிப்பதன் மூலம் அணியின் ஏலத்தொகையுடன் கூடுதலாக 4 கோடி ரூபாய் சேரும் என்றும், அவர் அணியின் வேறு ஏதேனும் அதிகாரப்பூர்வமற்ற அல்லது வழிகாட்டும் பணியில் தொடரலாம் என்றும் தனது யூடியூப் சேனலில் தெரிவித்தார்.

​இதுகுறித்து ரவிச்சந்திரன் அஸ்வின் தனது யூடியூப் சேனலில் பேசும்போது, “சிஎஸ்கே அணி ராகுல் சஹாரை விடுவிக்கும். அதுபோலவே பிரசாந்த் வீர் மற்றும் மேட் ஷார்ட் போன்ற வீரர்களையும் விடுவிக்கலாம். உண்மையில், எம்.எஸ். தோனியைப் பற்றி என்ன நினைக்கிறீர்கள்? அவரும் ஒரு சுவாரஸ்யமான ரிலீஸ் ஆப்ஷனாக இருக்க முடியும். அவர் ஒரு நான்-பிளேயிங் ரோலில் தொடரலாம், மேலும் அது அணிக்கு கூடுதலாக 4 கோடியைக் கொடுக்கும். அவர் உண்மையில் விளையாடப் போவதில்லை என்றால், அந்த 4 கோடியை ஏலத்திற்கு ஒரு பலனாக நிச்சயமாகக் கருதலாம்” என்று கூறி இருக்கிறார்.

- Advertisement -
- Advertisement -