இந்திய கிரிக்கெட் அணி இலங்கையில் சுற்றுப்பயணம் மேற்கொண்டு டெஸ்ட் தொடரில் விளையாடும் நிலையில் 2-வது டெஸ்ட் போட்டியில் இந்திய அணியின் சர்ஃபராஸ் கான் தனது பேச்சால் கவனம் ஈர்த்துள்ளார். ரிஷப் பந்த் காயம் காரணமாக வெளியேறிய நிலையில் மாற்று வீரராக களமிறங்கிய சர்ஃபராஸ், ஃபீல்டிங்கின்போது இலங்கை கேப்டன் தனஞ்சய டி சில்வாவை வார்த்தைகளால் சீண்டினார்.
மனவ் சுதார் பந்துவீச தயாரானபோது, தனஞ்சயா சில இடைஞ்சல்களால் பேட்டிங் செய்ய தயாராகாமல் இருந்தார்
அப்போது சர்ஃபராஸ், “எதுவும் இல்லை ப்ரதர். எங்கே பார்த்துக்கொண்டே இருக்கிறீர்கள். நேரத்தை வீணடிக்கிறீர்கள். பயப்படாதீங்க. நீங்கதான் கேப்டன். அந்தப் பக்கம் ஏன் கவலைப்படுறீங்க? நேராக பாருங்க,” என்று ஸ்டம்ப் மைக்கில் கேட்கும் வகையில் கூறினார்.
சர்ஃபராஸின் இந்த வார்த்தைகளுக்குப் பிறகு நடந்த சம்பவம்தான் ரசிகர்களின் கவனத்தை ஈர்த்துள்ளது. அடுத்த சில பந்துகளிலேயே மனவ் சுதார் வீசிய பந்தில் தனஞ்சயா எட்ஜ் கொடுத்து 8 ரன்களில் ஆட்டமிழந்தார். இந்த கேட்சை கே.எல். ராகுல் பிடித்தார். தொடர்ந்து நிரோஷன் டிக்வெல்லாவையும் இந்திய அணி வீழ்த்தியது. சர்ஃபராஸின் இந்த கலகலப்பான ஸ்லெட்ஜிங் தற்போது சமூக வலைதளங்களில் வைரலாகி வருகிறது.
